تورەعالي تورەالى ريو جەڭىمپازدارىنا ولەڭ ارنادى

تورەعالي تورەالى ريو وليمپياداسىنىڭ جەڭىمپازدارىنا دەگەن جىلى لەبىزىن ولەڭ ارقىلى جەتكىزدى. ول اتالعان ولەڭدە دانيار ەلەۋسىنوۆ پەن ادىلبەك نيازىمبەتوۆتىڭ شارشى الاڭداعى ەرەن ەڭبەكتەرىن تىلگە تيەك ەتتى.
«كوتەردى تۋدى جۇمىلىپ ءبارى،
قيىن سىناقتان بۇعىپ، ىقپادى...
دانيار مەنەن ادىلبەكتەرىم،
الاشتىڭ التىن جۇدىرىقتارى!
ۇلداردى وسى ۇلى سانايىق،
ماقتانىشپەنەن تىنىس الايىق.
اڭساعان ساتتە التىن الايىق،
شارشاعان ساتتە كۇمىس الايىق!» - دەپ جازادى تورەعالي ءوزىنىڭ جەلىدەگى پاراقشاسىندا.
بارشا جەلى قولدانۋشىلارى انشىگە قوسىلىپ، قازاقتىڭ قوس باتىرىن قۇتتىقتادى. اسىرەسە، ادىلبەككە دەمەۋ كورسەتىپ، ونىڭ ءالى تالاي جەڭىسكە جەتەتىنىن ايتىپ ءوتتى.
«ادىلبەك، كۇمىسكە دە شۇكىر. التىندى اللا بۇيىرسا الاسىڭ ءالى. سەن مىقتىسىڭ. اللانىڭ قالاۋى وسى بولدى. ءبىز سەنىمەن بىرگەمىز»، «ءبىزدىڭ قازاقتار التىننان باسقاسىن قاناعات تۇتپايدى عوي. ادىلبەك جىلاپ تۇر. قاناعات دەگەن ءسوز بولادى. سەندەرگە ۇلكەن راحمەت، قازاقتىڭ التىن بالاسى مەن كۇمىس بالاسى. مۇنى ۇلكەن جەتىستىك دەپ ەسەپتەيمىن»، «التىن بولسىن، كۇمىس بولسىن، ەڭ باستىسى، ءوزىڭىز امانسىز! اللا جار بولسىن!»، «قازاقتىڭ كوك تۋىن وزگە ەلدە جەلبىرەتكەن وسىنداي جىگىتتەر امان بولسىن» دەيدى ولار.