10:07, 22 - تامىز 2016 | GMT +5
قايرات نۇرتاس جەلىدە بايقاۋ ۇيىمداستىردى
استانا. قازاقپارات - قايرات نۇرتاس ينستگرام جەلىسىندە بايقاۋ ۇيىمداستىردى. ول جەڭىمپازدى ءوزى تاڭداپ، ارتىنشا 10 تىڭدارمانىمەن كەزدەسۋ ۇيىمداستىرماق. ال كەزدەسۋ تەك الماتى، استانا قالالارىندا وتەدى. بۇل تۋرالى Stan.kz حابارلايدى.

وزگە ارىپتەستەرى سەكىلدى قايرات نۇرتاس تا جەلىدە بايقاۋ ۇيىمداستىردى. بايقاۋ شارتتارى دا تىڭدارماندارىنا تاڭسىق ەمەس. ونىڭ شارتىنا سايكەس جەلى قولدانۋشىسى قايرات نۇرتاستىڭ ورىنداۋىنداعى «ءومىر عاجاپ»، «ورىندالماعان ارمان»، «شىركىن- اي» سىندى اندەردىڭ كوۆەر نۇسقاسىن ايتۋى ءتيىس. كەيىن ءان ايتقان ءساتىن تاسپالاپ، ونى جەلىگە #KairatCover حەشتەگىمەن جۇكتەيدى. وسىدان كەيىن جەڭىمپاز قىركۇيەك ايىنىڭ 1- كۇنى انىقتالادى.
ەرەكشە ونەرىمەن ءانشىنى ءتانتى ەتكەن 10 جەڭىمپاز استانا جانە الماتى قالالارىندا قايرات نۇرتاسپەن كەزدەسۋ مۇمكىندىگىنە يە بولادى. مۇنىمەن قاتار، وتاندىق برەندتەردىڭ ءبىرى قىمبات سىيلىقتارىن ۇسىنادى.