08:17, 22 - تامىز 2016 | GMT +5
تۇركياداعى تەراكتىنى جاسوسپىرىم جاساعان
استانا. قازاقپارات - تۇركيانىڭ وڭتۇستىگىندەگى گازيانتەپ قالاسىنداعى تەراكتىنى جاساعان جانكەشتى 12-14 جاس شاماسىندا بولعان. تۇركيا پرەزيدەنتى رەجەپ تايىپ ەردوعان وسىلاي ءمالىم ەتتى. ونىڭ ايتۋىنشا، جارىلعىشتى جانكەشتىنىڭ ءوزى نەمەسە باسقا ءبىر ادام ىسكە قوسقان.

شابۋىل نەكە تويى كەزىندە جاسالعان. سالدارىنان 51 ادام قازا تاۋىپ، تاعى 69 ادام جاراقۇات الدى، ونىڭ 17 ادام اۋرۋحانادا اۋىر حالدە جاتىر. وقيعا ورنىنان جانكەشتىنىڭ بەلدىگى تابىلدى.
ازىرگە لاڭكەستىك توپتاردىڭ ەشقايسىسى تەررورلىق اكتىنى موينىنا المادى. الايدا ەردوعان شابۋىلدى د ا ي ش ۇيىمداستىردى دەپ مالىمدەدى. «ەلىمىز بىزگە شابۋىل جاساعاندارعا تەك: «سەندەر ماقساتتارىڭا جەتە المايسىڭدار!، دەپ جاۋاپ قاتادى» - دەدى تۇرىك باسشىسى.