باكۋدە «سولتۇستىك- وڭتۇستىك» تەمىر جول ءدالىزىن عاسىردىڭ ەڭ ءىرى جوبالارىنىڭ ءبىرى سانايدى

استانا. قازاقپارات - ازەربايجان پرەزيدەنتى اكىمشىلىگىنىڭ سىرتقى بايلانىس ءبولىمىنىڭ باسشىسى نوۆرۋز مامەدوۆ سەنبىدە «سولتۇستىك- وڭتۇستىك» كولىك ءدالىزى عاسىردىڭ ەڭ ءىرى جوبالارىنىڭ ءبىرى بولىپ تابىلاتىنىن مالىمدەدى.

 «سولتۇستىك- وڭتۇستىك» كولىك ءدالىزى سولتۇستىك ەۋروپانى وڭتۇستىك ازيامەن بىرىكتىرۋدى كوزدەيدى. جوبانى ىسكە اسىرۋ بارىسىندا ازەربايجان، يران، رەسەي تەمىر جولدارى بىرىكتىرىلەدى. «سولتۇستىك- وڭتۇستىك» ءدالىزى بويىنشا ءبىرىنشى كەزەڭدە جىل سايىن 5 ميلليون توننا جۇك، ودان ءارى 10 ميلليون توننادان استام جۇك تاسىمالداۋ جوسپارلانۋدا. بۇدان بۇرىن ر ت ج ءدالىز جوباسىن دامىتۋعا قاتىساتىنىن مالىمدەگەن بولاتىن.

«بۇل عاسىردىڭ ءىرى جوبالارىنىڭ ءبىرى، باكۋدە وتكەن ءۇشجاقتى سامميتتە ازەربايجان، ر ف، يران پرەزيدەنتتەرى راستاعان. جوبا ءوڭىردىڭ دامۋىن، تۇراقتىلىعىن، قاۋىپسىزدىگىن قامتاماسىز ەتۋ جولىندا ماڭىزدى قادام بولىپ تابىلادى»، - دەگەن مامەدوۆتىڭ ءسوزىن كەلتىرەدى Trend اگەنتتىگى.