قازاقستان اۋىل شارۋاشىلىعىن دامىتۋ ءۇشىن كەڭ اۋقىمدى شارالاردى قولعا الدى - گەرمانيا باسىلىمى

گەرمانيانىڭ فەدەرالدىق اۋىل شارۋاشىلىعى مينيسترلىگىنىڭ پارلامەنتتەگى ستاتس- حاتشىسى پەتەر بلەزەر عىلىمي- وندىرىستىك جۋرنالعا الەمدىك عىلىمنىڭ جەتىستىكتەرى مەن Top agrar اگروونەركاسىپتىك كەشەننىڭ تاجىريبەلەرى جونىندە بەرگەن سۇحباتىندا وسىلاي ءمالىم ەتتى.
«فەدەرالدىق اۋىل شارۋاشىلىعى مينيسترلىگى قازاقستانمەن ىنتىماقتاسۋدا» دەگەن تاقىرىپپەن بەرىلگەن ماقالادا پەتەر بلەزەر ق ر اۋىل شارۋاشىلىعى مينيسترلىگى مەن ساياسي كەلىسسوزدەر جۇرگىزەتىنى جانە قازاقستانداعى نەمىس اگرارلىق ورتالىعى (DAZ) ۇيىمداستىرعان شارالارعا قاتىساتىندىعى اتاپ وتىلگەن.
قازىرگى تاڭدا گەرمانيانىڭ اۋىل شارۋاشىلىعى مينيسترلىگى قازاقستاندا ەكى ءىرى جوبامەن اينالىسۋدا. ءبىرىنشىسى قازاقستانداعى نەمىس اگرارلىق ورتالىعى، ول اۋىل شارۋاشىلىعى ءوندىرىسىن تۇراقتى ءارى ءتيىمدى دامىتۋ ءۇشىن تاجىريبەلىك ءبىلىم بەرۋگە باعىتتالعان.
ەكىنشى جوبا نەمىس- قازاق اگرارلىق- ساياسي ديالوگ، ول ەكى ەلدىڭ اۋىل شارۋاشىلىعى سالالارىندا ساياسي جانە ەكونوميكالىق ىنتىماقتاستىقتى قامتاماسىز ەتەدى.