فيليپپين پرەزيدەنتى بىرىككەن ۇلتتار ۇيىمى قۇرامىنان شىعامىز دەپ سەس كورسەتتى

 استانا. قازاقپارات - فيليپپين پرەزيدەنتى رودريگو دۋتەرتە ب ۇ ۇ ونى حالىقارالىق قۇقىقتى بۇزدى دەپ ايىپتاعاننان كەيىن ەلدىڭ ۇيىم قۇرامىنان شىعۋى مۇمكىن ەكەنىن مالىمدەدى، دەپ حابارلادى بي- بي- سي.
None
None

 جۇمادا ب ۇ ۇ سوتتان تىس جازالاۋ پروبلەماسى بويىنشا ارنايى بايانداماشى انەس كاللامار دۋتەرتەنىڭ ەسىرتكى ديلەرلەرىن ولتىرۋگە شاقىرۋى قىلمىسپەن تەڭ شەكتەن شىققان، جاۋاپسىز قادام ەكەنىن مالىمدەگەن.

«ب ۇ ۇ- دان شىعۋىمىز كەرەك سياقتى. مۇنداي اقىماقتىققا نە ءۇشىن ءتوزىپ وتىرۋىمىز قاجەت؟ »، - دەپ مالىمدەلى ول باسپا ءسوز ءماسليحاتىندا.

پرەزيدەنت ب ۇ ۇ سيريا مەن يراكتاعى اشتىق، تەرروريزم، قارۋلى قاقتىعىستاردى جويۋعا قابىلەتسىز دەپ ايىپتادى. ول سونداي- اق قىتاي مەن افريكا ەلدەرىنە جاڭا جاھاندىق حالىقارالىق ورگان قۇرۋدى ۇسىنۋى مۇمكىن ەكەنىن اتاپ ءوتتى.

ب ۇ ۇ دەرەكتەرىنە سايكەس، دۋتەرتە وسى جىلعى مامىردا پرەزيدەنت لاۋازىمىنا كىرىسكەن كۇننەن باستاپ ەسىرتكى ساۋداسىنا قارسى وپەراتسيا جۇرگىزگەن كەزدە پوليتسەيلەر 800-دەن استام ادامنىڭ كوزىن قۇرتقان.

 رودريگو دۋتەرتەنىڭ سايلاۋالدى باستى ۋادەسى دە ەلدەگى قىلمىس پەن ەسىرتكى ساۋداسىن قۇرتۋ بولعان ەدى.

سوڭعى جاڭالىقتار