12:23, 21 - تامىز 2016 | GMT +5
تۇركيا پارلامەنتى يزرايلمەن قاتىناستى قالىپقا كەلتىرۋ تۋرالى شارتتى ماقۇلدادى
استانا. قازاقپارات - تۇركيا پارلامەنتى سەنبىدە تەل- اۆيۆ پەن انكارا قاتىناستارىن قالىپقا كەلتىرۋ تۋرالى شارتتى راتيفيكاتسيالادى، دەپ حابارلادى Associated Press.

شارتقا سايكەس يزرايل ەلدەر اراسىنداعى قاتىناستاردىڭ ۋشىعۋىنا الىپ كەلگەن 2010 -جىلعى «بوستاندىق فلوتيلياسىمەن» بولعان وقيعاعا بايلانىستى25 كۇن ىشىندە 20 ميلليون دوللار تولەۋى ءتيىس.
يزرايل مەن تۇركيا قاتىناستاردى قالىپقا كەلتىرۋ تۋرالى شارتقا 28 - ماۋسىمدا قول قويدى. قۇجات كۇشىنە ەنۋى ءۇشىن ونى ەكى ەلدىڭ پارلامەنتتەرى ماقۇلداۋى قاجەت. كەلىسىمدى راتيفيكاتسيالاعاننان كەيىن ەلشىلەر الماساتىن بولادى.
2010 -جىلى يزرايلدىك «كومماندوس» گازا سەكتورى قورشاۋىن بۇزۋعا شىققان كەمەنى باسىپ الدى. وقيعا جۇزۋگە قاتىسقان توعىز تۇرىكتىڭ ولىمىنە سوقتىردى.