كۇرىش ەگىسى بەلگىلەنگەن مەرزىمدە جينالادى - قىزىلوردا وبلىسى

قىزىلوردا. قازاقپارات - اعىمداعى جىلى وبلىس بويىنشا بارلىعى 168,5 مىڭ گەكتار جەرگە اۋىل شارۋاشىلىعى داقىلدارى ورنالاستىرىلدى.
None
None

كۇرىش ەگىسىنىڭ كولەمى وتكەن جىلمەن سالىستىرعاندا 4,4 مىڭ گەكتارعا ازايعانىمەن، باسقا داقىلدار كولەمى ارتىپ وتىر. اتاپ وتكەن ءجون، بيىلعى جىلى ءارتاراپتاندىرۋ باعىتىندا كۇرىشتەن باسقا داقىلدار بويىنشا كورسەتكىشتەر ارتىعىمەن ورىندالدى. بۇل تۋرالى وبلىستىق اۋىل شارۋاشىلىعى باسقارماسىنىڭ باسپا ءسوز قىزمەتى حابارلادى.

وبلىس بويىنشا 20377 گا جاڭا جوڭىشقا، 5878 گ ا ماقسارى، 16791 گ ا كارتوپ، كوكونىس، باقشا، 86413 گ ا ءداندى داقىلدار ونىڭ ىشىندە باسىم داقىل كۇرىش 79598 گ ا ەگىلدى. جينالعان داقىلداردىڭ ورتاشا ونىمدىلىگى وتكەن جىلمەن سالىستىرعاندا ءبىرشاما جوعارى.

 سونىمەن قاتار، 5878 گا ماقسارى داقىلىنىڭ 2121 گەكتارىنان (36,1 پايىزى) 1618 توننا ءونىم جينالدى. ورتاشا ءونىم گەكتارىنا 7,6 سەنتنەردى قۇرادى.

 اۋداندارمەن بەرىلگەن اقپاراتقا سايكەس، جوڭىشقا داقىلىنىڭ ورتا ءونىمى گەكتارىنا 22,7 سەنتنەردى (2015 -جىلى 11,2 ت س/گ ا) قۇراپ، بارلىعى 118,1 مىڭ توننا ساپالى مال ازىعى دايىندالدى. سونىمەن قاتار، شارۋاشىلىقتار بۇگىنگى كۇنى 489,5 مىڭ توننا تابيعي ءشوپ دايىندادى. مال ازىعىن دايىنداۋ جۇمىستارى جالعاسۋدا.

 بيىلعى جىلدىڭ ەگىسىنە مينەرالدىق تىڭايتقىشتاردىڭ ناقتى 42,7 مىڭ تونناسى الىنعان. ونىڭ ىشىندە امموني سۋلفاتىنىڭ 23,5 مىڭ تونناسى، كارباميدتىڭ 11,3 مىڭ تونناسى، امموفوستىڭ 6 مىڭ تونناسى جانە 1,7 مىڭ توننا بايىتىلعان سۋپەرفوسفات الىندى.

سونىمەن قاتار، اۋىل شارۋاشىلىعى قۇرىلىمدارىنىڭ سۇرانىسى بويىنشا بيىلعى جىلى ارامشوپتەرگە قارسى قولداناتىن گەربيتسيدتەردىڭ بارلىق قاجەت كولەمى 11165 ليتردى قۇرادى.

 ەگىن جيناۋ ناۋقانىنا قاتىساتىن 1707 تراكتوردىڭ 89,9 پايىزى، 837 كومبايننىڭ 90,7 پايىزى، 430 جاتكانىڭ 91,4 پايىزى، 402 دانا تاسىمال كولىگىنىڭ 90,3 پايىزى جانە 880 تراكتور تىركەمەسىنىڭ 87,8 پايىزى جوندەۋدەن وتكىزىلدى.

وبلىستىڭ اۋىل شارۋاشىلىق قۇرىلىمدارى كۇرىش ەگىسىن بەلگىلەنگەن مەرزىمدە ورىپ جانە جيناپ الۋعا دايىن.

 اۆتور: ەلۋباي اۋەزوۆ

null

null

سوڭعى جاڭالىقتار