14:58, 20 - تامىز 2016 | GMT +5
يسلام مەملەكەتى سودىرلارى تۇتقىنداردان «ءتىرى قالقان» جاساپ، قاشىپ شىقتى - فوتو
استانا. قازاقپارات - الەمدىك باسپا ءسوز قۇرالدارى سيرياداعى مانبيدج قالاسىنان قاشىپ شىققان ي ش ي م سودىرلارىنىڭ قارا باستارىنىڭ قامى ءۇشىن قانداي ايارلىققا بارعانىن اشكەرەلەيتىن سۋرەتتەر جاريالاپ وتىر.

قاشىقتىقتان باسقارىلاتىن ۇشقىش قۇرىلعى ارقىلى تۇسىرىلگەن سۋرەتتەردى ВВС باسپاسى جارىققا شىعارعان.
سۋرەتتە جۇزدەگەن كولىكپەن قالانى تاستاپ شىققان ي ش ي م اسكەرلەرى كورسەتىلگەن. حابارلامادا ايتىلعانداي، لاڭكەستەر ءاربىر كولىككە بەيبىت تۇرعىنداردىڭ بىرنەشەۋىن وتىرعىزىپ العان كورىنەدى. اشىق شايقاسقا جۇرەكتەرى داۋالاماعان ولار وسىنداي ايار قىلىققا بارىپ، باس ساۋعالاعان ەكەن.
ايتا كەتەيىك، مانبيدج قالاسى 10 كۇنگە سوزىلعان اسكەري شابۋىل نەگىزىندە ي ش ي م سودىرلارىنىڭ قولىنان ازات ەتىلگەن ەدى. ال، قالانى ودان ءارى ۇستاپ تۇرا المايتىنىن تۇسىنگەن تەكسىزدەر قالادان قاشىپ شىعۋدىڭ وسىنداي جولىن ويلاپ تاپقان.