فوتوگراف مەدەت دوسىموۆتىڭ سوڭعى سۋرەتتەرى - فوتو

ورال. قازاقپارات - كەشە كەشكىسىن «جايىق پرەسس» ج ش س- عا قاراستى باتىس قازاقستان وبلىستىق «پريۋرالە» گازەتىنىڭ فوتوءتىلشىسى مەدەت دوسىموۆ نەبارى 29 جاسىندا توسىن قازاعا ۇشىرادى.
None
None

مەدەت جاس بولسا دا، وڭىرگە، ءتىپتى رەسپۋبليكاعا تانىلىپ قالعان سۋرەت ءتۇسىرۋدىڭ شەبەرى ەدى. قانداي جيىن بولسىن، مەدەت دوسىموۆ تۇسىرەتىن سۋرەتتەر ساپالى شىعاتىن. قياعا سامعايتىن قىرانداي ەڭ كەرەك ساتتەردى ءىلىپ تۇسەتىن. سول سەبەپتى وعان ەڭ جاۋاپتى تاپسىرمالار جۇكتەلەتىن. وبلىس اۋداندارى عانا ەمەس، وزگە وڭىرلەرگە دە ساپار شەگىپ، ادەمى سۋرەتتەر اكەلەتىن. سوندىقتان مەدەت دوسىموۆتىڭ سۋرەتتەرى رەسپۋبليكالىق باسىلىمداردا دا جاريالانىپ جاتاتىن.

null 

ول تابيعات كورىنىستەرىن ءتۇسىرۋدىڭ شەبەرى ەدى. نەگە ەكەنىن قايدام، كۇننىڭ باتۋىن تۇسىرگەن ول سوڭعى سۋرەتتەرىنە «كەشە كەش ادەمى بولدى» دەپ ايدار تاعىپتى. كەشەگى كۇننىڭ باتۋى ونىڭ قازاسى تۋرالى حابار جەتكىزەدى دەپ كىم ويلاعان.

مەدەت دوسىموۆتىڭ ارماندارى كوپ ەدى. تاۋەلسىزدىكتىڭ 25 جىلدىعىنا وراي جەكە فوتوكورمەمدى ۇيىمداستىرسام با دەپ تە ءجۇر ەدى. سونىڭ بارىنە قولى جەتپەي كەتتى. ارتىندا سامال اتتى جارى، ءبىر جاسقا دا تولماعان قىزى قالدى.

مەدەت جارقىلداپ جۇرەتىن، ءوز ورتاسىنا سىيلى، اڭقىلداق جان ەدى.

 null

ءبىز كەشە عانا جۇمىستان بىرگە شىعىپ ەدىك. مەدەت ەرتەڭ الىستاعى بوكەي ورداسى اۋدانىنا اتتانعالى وتىرعان. ەندى ودان دا الىس، قايتپاس ساپارعا كەتكەلى جاتىر. قوش، مەدەت! وتباسىنا قايعىرىپ كوڭىل ايتقاننان باسقا قولدان كەلەر ەشتەڭە جوق.

كەشە بار ادام بۇگىن جوق،

تىرلىكتە مىناۋ تىنىم جوق،

ولىگە جەتەر ءۇنىڭ جوق،

ومىردە ەندى جوقتايسىڭ،

امالسىز ءبىراق توقتايسىڭ،

ادامسىز جانە كۇنىڭ جوق.

null null null

 

اۆتور: ەلجان ەرالى

 

سوڭعى جاڭالىقتار