بەيجىڭ عارىش جانە اتوم ەنەرگەتيكاسى سالاسىندا قازاقستانمەن ىنتىماقتاسۋعا مۇددەلى

بەيجىڭ. قازاقپارات - ق ح ر- داعى ق ر ەلشىسى شاحرات نۇرىشەۆ ونەركاسىپ جانە اقپاراتتاندىرۋ ءمينيسترىنىڭ ورىنباسارى، قىتاي ۇلتتىق عارىش اكىمشىلىگىنىڭ باسشىسى، ق ح ر قورعانىس عىلىمى، تەحنيكا جانە ونەركاسىپ كوميتەتىنىڭ ءتوراعاسى، ق ح ر اتوم ەنەرگەتيكاسى جونىندەگى ۇلتتىق اكىمشىلىك باسشىسى - شيۋ داجىمەن (Xiu Dazhe) كەزدەستى.
None
None

تاراپتار عارىشكەرلىك جانە اتوم ەنەرگەتيكاسى سالاسىنداعى ەكىجاقتى ىنتىماقتاستىقتىڭ ماسەلەلەرىن تالقىلادى. وسى جىلى ماۋسىمداعى ق ر پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپين اراسىنداعى، سونداي-اق وسى جىلعى شىلدەدە بەيجىڭدەگى كەزدەسۋدە ق ر پرەمەر- ءمينيسترى باقىتجان ساعىنتايەۆ پەن ق ح ر مەملەكەتتىك كەڭەس ۆيتسە- پرەمەرى جان گاولي اراسىنداعى قول جەتكىزىلگەن جوعارى تەحنولوگيالار سالاسىنداعى ءوزارا ءىس- قيمىل تۋرالى ۋاعدالاستىقتى ىسكە اسىرۋعا باسا نازار اۋدارىلدى.

ش. نۋرىشەۆ پەن شيۋ داجى عارىش قىزمەتى سالاسىنداعى ىنتىماقتاستىق جونىندەگى قازاقستاندىق- قىتايلىق جۇمىس توبى قىزمەتىنە وڭ باعا بەردى. ق ح ر اۋماعىندا وسى جىلى ونىڭ 2- وتىرىسىن وتكىزۋ مۇمكىندىگىن تالقىلادى.

ولار بەيجىڭ اۆياتسيالىق- عارىش ۋنيۆەرسيتەتى، باسقا دا ق ح ر مامانداندىرىلعان وقۋ ورىندارىندا قازاقستاندىق كادرلاردى دايىنداۋ، سونداي- اق قازاقستاندىق مامانداردىڭ قىتايلىق عارىش كاسىپورىندارىندا وندىرىستىك تاعىلىمدامادان ءوتۋىن ۇيىمداستىرۋ سالاسىنداعى ەكى ەل اراسىنداعى ىنتىماقتاستىققا مۇددەلىلىك تانىتتى.

شيۋ داجى ەكولوگيالىق تازا «جاسىل» ەنەرگەتيكا سالاسىنداعى تەحنولوگيالىق ازىرلەمەلەردى كورسەتۋ ماقساتىندا ەكسپو-2017-گە قىتايلىق عارىش كورپوراتسياسىنىڭ قاتىسۋ مۇمكىندىگى جايلى ءسوز قوزعادى.

 null

سوڭعى جاڭالىقتار