10:32, 20 - تامىز 2016 | GMT +5
ۋسەين بولت توعىز دۇركىن وليمپيادا چەمپيونى اتاندى
استانا. قازاقپارات - يامايكالىق جەلاياق ۋسەين بولت ەرلەر اراسىندا 4x100م ەستافەتاسىندا سپورتتىق جولىنداعى توعىزىنشى وليمپيادا جانە ريو- دە- جانەيرو ويىندارىنداعى ءۇشىنشى التىنىن جەڭىپ الدى، دەپ حابارلايدى bbc.

يامايكا قۇراماسى سپورتتىڭ وسى تۇرىنەن قاتارىنان ءۇشىنشى رەت وليمپيادا فينالىندا باسىم ءتۇستى.
ايتا كەتەرى، جاپونيانىڭ ەكىنشى ورىن الۋى سەنساتسيالىق وقيعا بولدى. ال ءۇشىنشى ورىندى ا ق ش كومانداسى قاناعات تۇتتى.
بۇدان بۇرىن بولت 200 مەترلىك قاشىقتىقتا ەشكىمدى الدىنا سالماعان ەدى.
سوندا ول ريو- دە- جانەيرودا ءوزى قاتىساتىن بارلىق قاشىقتىقتا جەڭىسكە جەتۋدى كوزدەپ وتىرعاندىعىن ايتقان بولاتىن. سونداي- اق بولت وسى ماراپاتتاردى يەلەنگەن سوڭ سپورت تاريحىندا ءوز ەسىمىنىڭ ماڭگى قالاتىندىعىنا سەنەتىندىگىن دە جەتكىزگەن.