مۇحاممەد ءاليدىڭ يسلامدى قابىلداعانى تۋرالى حات پەن ونىڭ چەمپيوندىق بەلبەۋى ءباسساۋدادا ساتىلادى

استانا. قازاقپارات - اتى اڭىزعا اينالعان بوكسشى مۇحاممەد اليگە تيەسىلى بىرنەشە ونداعان زاتتار ا ق ش- تا Heritage ءباسساۋداسىنا قويىلادى.
None
None

بۇل تۋرالى Reuters اگەنتتىگى حابارلادى.

 ساۋدا- ساتتىققا قويىلعان زاتتاردىڭ ىشىندە ءاليدىڭ دجوردج فورماندى جەڭگەننەن كەيىن 1974 -جىلى ۇتىپ العان دۇنيەجۇزىلىك بوكسشىلار كەڭەسى تۇجىرىمى بويىنشا اۋىر سالماقتاعى الەمنىڭ ءابسوليۋتتى چەمپيونىنىڭ بەلبەۋى دە بار. ءباسساۋدا ۇيىمداستىرۋشىسى ونى 600 مىڭ ا ق ش دوللارىنا ساتپاقشى.

تاريحقا «دجۋنگليدەگى شۋ» رەتىندە ەنگەن فورمانعا قارسى ايقاستا كيگەن بوكسشىنىڭ قولعابى، شولاق شالبارى دا ساتىلادى. ءبىرىنشى لوت 100 مىڭ دوللارداي، ەكىنشىسى - 150 مىڭ دوللار اكەلەدى دەپ كۇتىلۋدە.

تاعى دا ءبىر قۇندى لوت 1964 -جىلى اقپاندا ولارعا Life جىبەرگەن بوكسشىنىڭ حاتى. وندا كاسسيۋس كلەي يسلامدى قابىلداۋعا جانە ەسىمىن وزگەرتۋگە سەبەپ بولعان جاتتەر ءسوز بولادى. Heritage Auctions وكىلدەرىنىڭ ايتۋىنشا، حات 100 مىڭ دوللارعا ساتىلۋى مۇمكىن.

مۇحاممەد ءالي 75-كە قاراعان شاعىندا 3 ماۋسىمدا قايتىس بولدى. ءوزىنىڭ كاسىبي مانسابىندا ءالي 61 ايقاس وتكىزدى. ونىڭ ىشىندە 5 رەت ۇتىلسا، 56 رەت جەڭىسكە جەتتى. 

سوڭعى جاڭالىقتار