پاۆلوداردا اباي وقۋلارى ءوتتى - فوتو

اقتوعايلىق ۆالەريا ستەپچۋك رەسپۋبليكالىق اباي وقۋلارىنا جولداما الدى، دەپ حابارلايدى pavlodarnews.kz.
شاراعا 18-22 جاس ارالىعىنداعى قالالار مەن اۋدانداردا وتكەن بايقاۋلاردىڭ جەڭىمپازدارى قاتىستى. قازىلار القاسىنىڭ مۇشەلەرى ۇمىتكەرلەردىڭ ونەرىن باعالاۋ كەزىندە ولاردىڭ كوركەم ءماتىندى وقۋ شەبەرلىگىنە، قازاق تىلىندە ورفوەپياكالىق تۇرعىدان تازا سويلەۋىنە، ءاندى ورىنداۋ مانەرىنە، ساحنالىق مادەنيەتىنە نازار اۋداردى. قاتىسۋشىلار ابايدىڭ شىعارمالارىن جاقسى بىلەتىندەرىن تولىق كورسەتىپ القا مۇشەلەرىن، جينالعان كورەرمەندەردى تاڭ قالدىردى.
ءبىرىنشى ورىنعا قازاق تىلىندە تازا سويلەگەن، ساحنادا ءوزىن كوركەم ۇستاعان، وقۋ شەبەرلىگىن جوعارى دارەجەدە كورسەتكەن اقتوعاي اۋدانىنان كەلگەن ۆالەريا ستەپچۋك يە بولدى. ەكىنشى ورىندى پاۆلودار قالاسىنىڭ ۇمىتكەرى زۋرا كەنجەبايەۆا، ال ءۇشىنشى ورىندى لەبياجى اۋدانىنىڭ قاتىسۋشىسى كريستينا شاپوۆالوۆا يەلەندى. سايىسقا قاتىسۋشىلاردىڭ بارلىعى ديپلوم، العىس حاتتارمەن قوسا سىيلىقتارمەن ماراپاتتالدى.
ايتا كەتەرلىگى، 19 -تامىز بەن 23 -قىركۇيەك ارالىعىندا پاۆلودار وبلىسىندا «تىلدەر ايلىعى» جاريالانىپ، ايلىق شەڭبەرىندە وبلىس قالا، اۋداندارىندا 200 دەن استام ءىس- شارا ۇيىمداستىرىلاتىن بولادى.