توكيودا التىن الۋعا الەكساندردىڭ تولىق مۇمكىندىگى بار - ارمان ابدىرايەۆ، زايچيكوۆتىڭ العاشقى باپكەرى

سول ۋاقىتتان بەرى جەڭىس جولى جالعاسۋمەن كەلەدى. وتكەن جىلى ا ق ش- تا الەم چەمپيونى اتانسا، ەندى مىنە ريو تورىندە ەلىمىزدىڭ اتىن اسقاقتاتتى. بۇل تۋرالى الەكساندر زايچيكوۆتىڭ العاشقى باپكەرى ارمان ابدىرايەۆ ايتىپ بەردى.
سونداي-اق ول: «الەكساندردىڭ جەڭىسى - وزىنەن كەيىنگى جاستارعا ۇلكەن سەرپىلىس بولىپ، ولاردىڭ سپورتقا دەگەن قۇلشىنىسىن ارتتىرا تۇسەتىنىنە سەنىمدىمىن. الەكساندر ءالى جاس، اسار اسۋى الدا. ونىڭ الەمدىك دەڭگەيدەگى جەتىستىكتەرى وبلىستا اۋىر اتلەتيكا سپورتىنىڭ تانىمالدىعىنا قوسىمشا سەرپىن بولىپ وتىر. ول ءوزى تالپىنعان بيىكتەردى باعىندىراتىنى انىق، مەن وعان سەنەمىن. وسكەلەڭ ۇرپاق وعان قاراپ بوي تۇزەيدى، سودان ۇلگى الادى. الەكساندر يليا يليننەن كەيىن الەمدى مويىنداتقان سىردىڭ ناعىز ورەنى. ونىڭ ءالى تالاي جەڭىسىنە كۋا بولامىز. كەلەسى توكيو وليمپياداسىندا ساشانىڭ جۇلدىزى جارقىراي تۇسۋىنە تولىق مۇمكىندىگى بار»، - دەيدى ا. ابدىرايەۆ.
اۆتور: ەلۋباي اۋەزوۆ