10:37, 20 - تامىز 2016 | GMT +5
توم لەففلەر: قازىرگى ۋاقىتتا الەمدە گولوۆكيندى جەڭە الاتىن بوكسشى جوق
استانا. قازاقپارات - قازاق بوكسشىسى گەننادي گولوۆكيننىڭ پروموۋتەرى توم لەففلەر ءوز كليەنتىنىڭ بريتاندىق كەلل برۋكپەن الداعى ايقاسى جونىندە پىكىرىمەن ءبولىستى، دەپ جازادى Sports.kz WBCBoxing.com-عا سىلتەمە جاساپ.

- برۋكپەن كەزدەسۋدە ەشقانداي پروبلەما تۋىندامايدى. گەننادي بۇدان بۇرىنعى 22 قارسىلاسى ءتارىزدى جەڭۋى ءتيىس. مەنىڭ ويىمشا، رينگتە گولوۆكين ءتارىزدى جاسىنداي جارقىلدايتىن بوكسشى جوق. برۋكتىڭ ەڭ مىقتى ءتاسىلى - بەرىك قورعانىستا تۇرا ءبىلۋى. گەننادي بولسا، قولايلى ءساتتى كۇتەدى دە قۋاتتى سوققىلار جاسايدى.
قازىرگى ۋاقىتتا الەمدە گولوۆكيندى جەڭە الاتىن بوكسشى جوق.
ەسكە سالا كەتسەك، گولوۆكين - برۋك ايقاسى 10 -قىركۇيەكتە لوندوندا بولادى.