ق ر اسكەري- تەڭىز كۇشتەرى «ادميرال» جاڭا كاتەرىنە يە بولدى

ق ر قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، ق ر اسكەري- تەڭىز كۇشتەرىنىڭ كورابلدەرى رەسەي فەدەراتسياسىنىڭ سۋ ايدىنىنان جەڭىپ الىنعان «ادميرال» كاتەرىمەن ورالدى.
ق ر ق ك ءا ت ك- ءنىڭ كورابلدەرى شىلدەنىڭ 21- ءى مەن تامىزدىڭ 17 ءى ارالىعىندا رەسەي فەدەراتسياسىنىڭ سۋ ايدىنىندا بولدى. بىلتىرعى جىلى قازاقستاننىڭ تەڭىزشىلەرى ەكىنشى ورىندى يەلەنىپ، بل-80 كاتەرىن ۇتىپ العانىن ايتا كەتەيىك.
تەڭىزشىلەردى سالتاناتتى تۇردە قارسى الۋ ق ر ق ك ءا ت ك تۋىنىڭ كوتەرىلگەن كۇنىنىڭ 20 جىلدىعىمەن اتاپ ءوتىلدى. اسكەري تەڭىزشىلەر ءۇشىن بۇل كۇن اتاۋلى كۇندەردىڭ ءبىرى بولىپ تابىلادى. وسى كۇنگە وراي، سوعىس، قارۋلى كۇشتەر ارداگەرلەرى، وقۋشىلار مەن ستۋدەنتتەر ءۇشىن 29011 اسكەري بولىمىندە ەكسكۋرسيا ۇيىمداستىرىلىپ، جاڭا اسكەري تەحنيكانىڭ كورسەتىلىمى ۇيىمداستىرىلدى.
«اسكەري- تەڭىز كۇشتەرىنىڭ جەكە قۇرامى كاسپي تەڭىزىندە اسكەري- تەڭىز تۋىن ءارى قاراي ابىرويمەن كوتەرۋدى جالعاستىرىپ، ولارعا قويىلعان وقۋ جانە جاۋىنگەرلىك تاپسىرمالاردى ورىنداۋ ءۇشىن بارلىق كۇش- جىگەرلەرىن سالاتىنىنا كامىل سەنىمدىمىن. اسكەري- تەڭىز تۋىنىڭ كوتەرىلۋىنىڭ 20 جىلدىعىمەن تاعى ءبىر مارتە قۇتتىقتاپ، ءداستۇر بويىنشا ساپارلارىڭىز ءساتتى بولسىن»، - دەپ زاپاستاعى كونتر- ادميرال كەنجەمەرگەن ابىكەيەۆ ءوزىنىڭ لەبىزىن ءبىلدىردى.
20 جىل بۇرىن اقتاۋ قالاسىنىڭ 4- ىقشام اۋدانىندا 1-دارەجەلى كاپيتان ر. يسلاموۆ تاۋەلسىز قازاقستاننىڭ اسكەري- تەڭىز تۋىن العاش رەت كوتەرگەنىن ەستەرىڭىزگە سالا كەتەيىك.