09:25, 19 - تامىز 2016 | GMT +5
بەتىن قان جاپقان الەپپولىق ۇلدىڭ بەينەسى الەمدى ءدۇر سىلكىندىردى - كەسكىن
استانا. قازاقپارات - سيريانىڭ ۇكىمەتكە قارسى بەلسەندىلەرى قورشاۋعا الىنعان الەپپو قالاسىنداعى اۋە سوققىسىنان قيراعان عيماراتتان قۇتقارىلعان بالانىڭ جان تۇرشىگەرلىك كادرلارىن جاريالادى.

بەتىن قان جاپقان، جەدەل جاردەم كولىگىندە ەسەڭگىرەپ وتىرعان بالانىڭ ۆيدەوسى مەن فوتولارى الەۋمەتتىك جەلىگە جىلدام تاراپ، نارازىلىق تولقىنىن تۋدىردى، دەپ حابارلادى www.bbc.com.
دارىگەرلەردىڭ مالىمەتىنە قاراعاندا، بالانىڭ ەسىمى ومران داكنيش، بەس جاستا. سارسەنبى كۇنى كەشكە وعان مەديتسينالىق جاردەم كورسەتىلدى - بالانىڭ باسىنا قاتتى زاقىم كەلگەن.
ونىڭ وتباسىنىڭ باسقا مۇشەلەرىنىڭ قانداي جاعدايدا ەكەندىگى ءالى بەلگىسىز.