09:06, 19 - تامىز 2016 | GMT +5
قىرعىز زىلتەمىرشىسى دوپينگ قولدانعانى ءۇشىن ريو وليمپياداسىنىڭ قولا جۇلدەسىنەن ايىرىلدى
استانا. قازاقپارات - سپورت ارتيبتراج سوتى (CAS) ريو وليمپياداسىندا 69 كەلىگە دەيىنگى سالماقتا ونەر كورسەتىپ، قولا جۇلدەگە يە بولعان قىرعىز زىلتەمىرشىسى يززات ارتىقوۆتى مەدالىنەن ايىردى.

ونىڭ دوپينگ- سىناماسى اعزاسىندا ستريحنين دەپ اتالاتىن تىيىم سالىنعان زاتتىڭ بارىن كورسەتكەن، دەپ حابارلايدى CAS رەسمي سايتىنا سىلتەمە جاساپ لەنتا. رۋ.
Sport АКИpress اقپاراتىنا قاراعاندا، قولا مەدالى ءۇشىن ارتىقوۆ «قىرعىزستاننىڭ ەڭبەك سىڭىرگەن سپورت شەبەرى» اتاعىن الۋى ءتيىس ەكەن.
22 جاستاعى سپورتشى 10 - تامىزدا 339 ۇپايمەن (جۇلقا كوتەرۋ - 151 كەلى، سەرپە كوتەرۋ - 188 كەلى) قولا مەدالدى جەڭىپ العان بولاتىن. بۇل جۇلدە ريو ويىندارىنداعى قىرعىزستان قۇراماسىنىڭ بىردەن- ءبىر مەدالى ەدى.