قىزىلوردا وبلىسىنىڭ اكىمى زىلتەمىرشى الەكساندر زايچيكوۆكە تەمىر تۇلپار مىنگىزدى

  قىزىلوردا. قازاقپارات - سىربويىلىقتار ريو وليمپياداسىنىڭ قولا جۇلدەگەرى زىلتەمىرشى الەكساندر زايچيكوۆتى زور قوشەمەتپەن قارسى الدى.

قىزىلوردالىق جاستار الەكساندردىڭ قۇرمەتىنە اۋەجايعا جينالىپ، ىستىق ىقىلاستارىنا بولەدى. مۇنان سوڭ ريو وليمپياداسىنىڭ جۇلدەگەرىن وبلىس اكىمى قىرىمبەك كوشەربايەۆ قۇتتىقتاپ، جىلى لەبىزىن جەتكىزدى.

«وليمپيادادا سەن تەك زىلتەمىردى كوتەرىپ قانا قويعان جوقسىڭ، بۇكىل قازاقستاندىقتاردىڭ رۋحىن اسقاقتاتتىڭ. الەكساندردىڭ كەلەسى مەدالى التىن بولاتىنىنا سەنەمىن. ءبىز الەكساندردىڭ الداعى جارىستارعا، اسىرەسە توكيودا وتەتىن وليمپياداعا دايىندىعى ءۇشىن بارلىق جاعدايدى جاساۋعا دايىنبىز. سونىمەن قاتار، باتىر ۇلدى تاربيەلەپ، وسىرگەن اناسىنا زور العىس ايتامىز»، - دەدى وبلىس اكىمى.

وبلىس اكىمى قىرىمبەك كوشەربايەۆ الداعى ۋاقىتتا زىلتەمىرشىلەردى دايىنداۋ ءۇشىن قىزىلوردادا حالىقارالىق تالاپتارعا ساي اۋىر اتلەتيكا ورتالىعى سالىناتىندىعىن جەتكىزدى.

«مەن بارلىق قازاقستاندىقتارعا، اسىرەسە جەرلەستەرىمە ۇلكەن العىسىمدى ايتامىن. ريودا ءجۇرىپ، ولاردىڭ قولداۋىن سەزىندىم. قىزىلوردالىقتار تاڭعى 4-تە جينالىپ، مەنىڭ ونەرىمدى تاماشالاعاندارىن بىلەمىن. سىزدەردىڭ قولداۋلارىڭىز ماعان كۇش بەردى»، - دەيدى الەكساندر زايچيكوۆ.

الەكساندردىڭ اناسى مەن باپكەرى دە بارشا قولداۋ كورسەتكەن قازاقستاندىقتارعا، جەرلەستەرىنە العىستارىن ايتتى.

مۇنان سوڭ ايماق باسشىسى الەكساندرعا «Toyota Land Cruiser»  اۆتوكولىگىنىڭ كىلتىن تابىستاپ، باپكەرىنە 5 ميلليون تەڭگەنىڭ سەرتيفيكاتىن تاپسىردى.

وبلىس اكىمىمەن كەزدەسۋدەن كەيىن الەكساندر ورتالىق الاڭدا ءوزىنىڭ جانكۇيەرلەرىمەن كەزدەستى.

 اۆتور: ەلۋباي اۋەزوۆ