قىتاي اۆيا كورپوراتسياسى قازاقستانعا ۇشقىشسىز ۇشۋ اپپاراتتارىن جەتكىزۋگە مۇددەلى

استانادا ق ر قورعانىس مينيسترلىگىندە ق ر قورعانىس ءمينيسترىنىڭ ورىنباسارى گەنەرال- لەيتەنانت وقاس ساپاروۆتىڭ ق ح ر اسكەري- ونەركاسىپ كەشەنىنىڭ قۇرامىنا كىرەتىن باس ديرەكتوردىڭ ورىنباسارى لي يۋيحاي مىرزانىڭ باسشىلىق ەتۋىمەن AVIC قىتاي مەملەكەتتىك اۆياتسيالىق كورپوراتسياسىنىڭ وكىلدەرىمەن كەزدەسۋىندە اۆياتسيالىق سالاداعى اعىمداعى جاعداي مەن ىنتىماقتاستىقتىڭ بولاشاق باعىتتارى تالقىلاندى.
ونىڭ ىشىندە، ق ر قارۋلى كۇشتەرىنىڭ مۇقتاجدىعى ءۇشىن اسكەري- كولىك اۆياتسياسىنىڭ ۇشاقتارى مەن ۇشقىشسىز ۇشۋ اپپاراتتارىن جەتكىزىپ بەرۋ مۇمكىندىگى تالقىعا سالىندى. ەكى ەلدىڭ وكىلدەرى استانا قالاسى اۆياتسيالىق- تەحنيكالىق ورتالىعىنىڭ بازاسىندا تەحنيكاعا سەرۆيستىك قىزمەت كورسەتۋدى ۇيىمداستىرۋ مۇمكىندىكتەرىن تالقىلادى.
اسكەري سەكتوردا AVIC كورپوراتسياسى جويعىش جانە اسكەري- كولىك اۆياتسياسىنىڭ ۇشاقتارىن، وقۋ جانە وقۋ- جاتتىقتىرۋ ۇشاقتارىن، سونداي- اق، اۆيونيكا، ۇ ۇ ا، پيلوتاجدىق ترەناجەرلار مەن وزگە دە اسكەري ءونىمدى شىعارۋدا مامانداندىرىلىپ جاتقانىن ايتا كەتەيىك.