ريودا وليمپيادا چەمپيونى دانيار ەلەۋسىنوۆكە ەلباسىنىڭ قۇتتىقتاۋ حاتى تاپسىرىلدى
ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىنداعى قازاقستان ۇيىندە باسپا ءسوز ءماسليحاتى ءوتىپ، وسى ورايدا سپورت جانە دەنە شىنىقتىرۋ كوميتەتىنىڭ ءتوراعاسى ەلسيار قاناعاتوۆ وليمپيادا چەمپيونى دانيار ەلەۋسىنوۆكە ەلباسىنىڭ قۇتتىقتاۋ حاتىن تاپسىردى، دەپ حابارلايدى ريوداعى قازاقپارات ءتىلشىسى
وندا دانيار مەن ەلميرا تىلشىلەردىڭ سۇراقتارىنا جاۋاپ بەرىپ، ءوز اسەرلەرىمەن ءبولىستى. وسى ورايدا دانيار ەلەۋسىنوۆ: «مەنىڭ جەڭىسىم - قازاقتىڭ جەڭىسى. بارلىق جانكۇيەرلەرىمە العىس ايتامىن. وليمپيادانىڭ اقىرىنا دەيىن بولىپ بارلىق سپورتشىلارىمىزعا قولداۋ كورسەتەمىن»، - دەپ اتاپ ءوتتى. ەلميرا سىزدىقوۆا: «وسى قولا جۇلدەگە جەتۋ وڭاي بولعان جوق. بۇداندا جوعارى كورسەتكىشكە قول جەتكىزۋىم كەرەك ەدى. بۇيىرعانى وسى بولدى. جالپى ەلىمىزگە جۇلدە سىيلادىم. سول ءۇشىن باقىتتىمىن. قۋانىشتىمىن. سىزدەرگە دە كوپ راحمەت! وسىنداي سپورتپەن اينالىسۋعا ۇلكەن مۇمكىندىكتەر جاساپ بەرىپ جاتقان ەلىمىزگە راحمەت»، - دەدى. اۆتور: كۇنسۇلتان وتارباي
