19:59, 18 - تامىز 2016 | GMT +5
الماتىداعى باراحولكا بازارىنىڭ ساتۋشىلارى ءبىر- بىرىنە تاۋارلاردى ورتتەن ساقتاپ قالۋعا كومەكتەستى
الماتى. قازاقپارات - الماتىنىڭ باراحولكا جايما بازارىنداعى «ولجا» بازارى ءالى ورتەنىپ جاتىر. بۇل جەردە ساتۋشىلاردىڭ جانكەشتىلىگى مەن ادامگەرشىلىگىن ايتا كەتكەن ءجون.

ولار ءبىر- بىرىنە باسەكەلەس بولسا دا، وسىنداي قيىن- قىستاۋ ساتتە ءبىر- بىرىنە كومەكتەسىپ، تاۋارلاردى ساقتاپ قالۋعا كۇش سالدى.
«باستىعىمىز ءبىزدىڭ كىلەم پاۆيلونىنىڭ جانىندا ءورت باستالعانىن ايتتى. ءبىز سونى ەستي سالا سول جاققا ۇمتىلىپ، باسەكەلەستەرىمىزدىڭ تاۋارلارىن قۇتقارىپ قالۋعا ارەكەت جاسادىق. بارلىعىنا كومەكتەستىك. تاۋارلاردى تۇگەلدەي ساقتاپ قالدىق. ەشقانداي تاۋار ورتەنگەن جوق»، - دەدى بازارداعى ساتۋشىلاردىڭ ءبىرى رۇستەم يسمايلوۆ.
ايتا كەتەلىك، ءورت قويمالىق ءۇي- جايلاردا ساعات 16 ساعات 26 مينۋتتا باستالعان. ساتۋشىلار ءوز تاۋارلارىن نەگىزىنەن كىلەمدەردى بازاردان الىپ شىعىپ، ماشينالارعا تيەپ، قاۋىپسىز ايماققا شىعاردى.
اۆتور: ايبوتا جاپپاربەرگەن