ولگا رىپاكوۆا ريودا «گاۋھار ليگاسى» جارىستارىنا دايىندالىپ جاتىر

وسكەمەن. قازاقپارات - 2016 -جىلعى وليمپيادا ويىندارىندا ءۇش قارعىپ سەكىرۋدەن قولا جۇلدە العان ولگا رىپاكوۆا «گاۋھار ليگاسى» جارىستارىنا دايىندالىپ جاتىر.
None
None

بۇل جونىندە سپورتشى ريو- دە- جانەيرودان تەلەفون ارقىلى حابارلادى.

ول قولداۋلارى مەن قۇتتىقتاۋلارى ءۇشىن بارلىعىنا العىس ايتتى. وليمپيادا ويىندارىنا دايىندالۋعا قول ۇشىن بەرگەن وبلىس اكىمى دانيال احمەتوۆكە ەرەكشە العىس ءبىلدىردى، دەپ حابارلادى وبلىستىڭ اقپاراتتىق ورتالىعى.

برازيلياداعى وليمپيادا ويىندارىندا ءۇش قارعىپ سەكىرۋ سايىسىنان قولا مەدال العان ولگا رىپاكوۆا 24-27 -تامىز كۇندەرى شۆەيتساريانىڭ لوزاننا قالاسىندا وتەتىن «گاۋھار ليگاسى» تۋرنيرىنە قاتىسادى. تەلەفون ارقىلى ول جارىسقا دايىندىقتى كۇشەيتكەنىن حابارلادى.

ايتا كەتەيىك، ساپالى وقۋ- جاتتىعۋ وتكىزۋ ءۇشىن رەسپۋبليكانىڭ ۇزدىك دارىگەرلەرى جانە كەڭەسشىلەرىمەن شارت جاسالدى. رەسپۋبليكادا جانە ودان تىس جەردە وتەتىن سپورتتىق شارالارعا، ونىڭ ىشىندە ريوداعى وليمپيادا ويىندارىنا سپورتشىنىڭ جەكە باپكەرى مەن مامانداردىڭ بارۋ ماسەلەسى شەشىلدى. وبلىستىق دەنە شىنىقتىرۋ- سپورت ديسپانسەرى تولىق كولەمدە مەديتسينالىق ماماندارمەن قامتاماسىز ەتىلدى. سونىمەن بىرگە، اي سايىنعى اكىم ستيپەندياسىنىڭ بەرىلۋى دە قاراستىرىلعان.

سوڭعى جاڭالىقتار