22:46, 18 - تامىز 2016 | GMT +6
ۇستازدار قاۋىمى قاعازباستىلىقتان ارىلادى - د. نازاربايەۆا
استانا. قازاقپارات - قازاقستاندا مەكتەپ ۇستازدارى قاعازباستىلىقتان ارىلادى.
بۇل تۋرالى بۇگىن قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر پرەمەر- ءمينيسترىنىڭ ورىنباسارى داريعا نازاربايەۆا ءمالىم ەتتى.
«قازىر مەملەكەتتىك- جەكە سەرىكتەستىك اياسىندا ەلەكتروندى ءبىلىم بەرۋ جۇيەسى ەنگىزىلىپ جاتىر. مۇنداعى نەگىزگى ەلەمەنت - ۇستازداردىڭ جۇمىسىن جەڭىلدەتەتىن ەلەكتروندى كۇندەلىك. ىلكى جوبانى جۇزەگە اسىرۋ ءۇشىن 200 دەن استام مەكتەپ تارتىلدى جانە پەداگوگتار تاراپىنان جوعارى باعا الدى. سونىمەن قاتار بۇل جوبانى جۇزەگە اسىرۋ مەملەكەت تاراپىنان قارجى شىعىندارىن تالاپ ەتپەيتىندىگى ماڭىزدى»، - دەپ اتاپ ءوتتى د. نازاربايەۆا.
اۆتور: مارلان جيەمباي
