قازاقستاندىق كاسىپقوي بوكسشى ا ق ش- تا بەسىنشى كەزدەسۋىن نوكاۋتپەن ۇتتى - كەسكىن

استانا. قازاقپارات - قازاقستاندىق كاسىپقوي بوكسشى ماديار اشكەيەۆ (5-0, 5) ءوزىنىڭ بەسىنشى كەزدەسۋىن ءتورتىنشى راۋندتا نوكاۋتپەن ۇتتى.
None
None

بۇل تۋرالى «قازاقپارات» تىلشىسىنە بوكسشىنىڭ اعاسى جانىبەك رايىموۆ حابارلادى.

كەزدەسۋ 4- راۋندتا قازاق بوكسشىسىنىڭ ايقىن باسىمدىعىمەن توقتاتىلدى. لوس- انجەلەس قالاسىندا 154 فۋنت سالماقتا وتكەن جەكپە- جەكتە ول ا ق ش بوكسشىسى لەنۆود دويزەرگە قارسى شىققان بولاتىن.

ل. دويزەر 1984 -جىلى ا ق ش- تىڭ تەحاس شتاتىندا تۋعان. كاسىپقوي بوكستا 8 كەزدەسۋ وتكىزىپ، تورتەۋىندە جەڭىسكە جەتسە، تورتەۋىندە ۇتىلعان. العاشقى كەزدەسۋىن 2012 -جىلدىڭ 11 -ناۋرىزىندا وتكىزىپ، جەڭىسكە جەتكەن. ال، سوڭعى جەكپە- جەگىن 2016 -جىلدىڭ 16 قاڭتارىندا رەسەيلىك الەكساندر بەسپۋتيننەن جەڭىلگەن. ءتورت راۋند بويى قارسىلاسىن ءتورت بۇرىشقا قۋىپ ءجۇرىپ سوققان مادياردى تورەشىلەر توقتاتۋعا ءماجبۇر بولعان. وسىلايشا ماديار اشكەيەۆ كاسىپقوي بوكستاعى بەسىنشى كەزدەسۋىندە دە نوكاۋتپەن جەڭىسكە جەتتى. كەزدەسۋ بۇگىن، استانا ۋاقىتىمەن تاڭعى 06:00 دە وتكەن بولاتىن.

قازاقستاندىق بوكسشى تانىمال مەكسيكالىق باپكەر روبەرت گارسيانىڭ قول استىندا جاتتىعادى. ءوز كەزەگىندە ر. گارسيا ءبىزدىڭ بوكسشىنى بولاشاق الەم چەمپيونى بولاتىنىنا سەنىمدى.



اۆتور: جاسۇلان جولدىبايەۆ

سوڭعى جاڭالىقتار