وڭتۇستىك وڭىرلەردەگى شولەيتتەردە جاسىل القاپتاردى قۇرۋدىڭ جاڭا تەحنولوگياسى سىنالۋدا

بۇل تۋرالى بۇگىن استانادا «جاسىل» تاجىريبەلەر مەن تەحنولوگيالاردى قولدانۋ كونفەرەنسياسىندا ب ۇ ۇ د ب- نىڭ تۇراقتى دامۋ جونىندەگى جوبالار پورتفەلىنىڭ جەتەكشىسى راسۋل راحيموۆ ءمالىم ەتتى.
ءبىر شاعىن قۇدىقتىڭ اينالىسىندا 1 گەكتار جەردى كوگالدانداندىرۋعا مۇمكىندىك تۋىندايدى. جالپى قازاقستان بويىنشا وسىنداي ءۇش قۇدىق بار ەكەن، ولار «التىنەمەل» ۇلتتىق ساياباعىندا جانە قىزىلوردا وبلىسىندا ورنالاسقان.
«وسى رەتتە جوبا اياسىندا قۇدىق بۇرعىلانىپ، جەل گەنەراتورى مەن كۇن پانەلى ورناتىلادى. اۆتونومدى رەجىمدە تۇرعىندار مەن مال شارۋاشىلىعىنا سۋ رەسۋرستارى قولجەتىمدى بولادى. ناتيجەسىندە، شولەيتتى جەردە شاعىن جاسىل القاپتار پايدا بولا باستايدى. بۇل جوبا ارقىلى ءبىز بىرىنشىدەن وسى جۇمىستى زەرتتەپ، جۇمسالاتىن شىعىنداردى كورەمىز، ەكىنشىدەن، اتالعان جاعدايدا تەحنولوگيالىق مۇمكىندىكتەردى بايقايمىز»، - ر. راحيموۆ.
ونىڭ سوزىنە قاراعاندا، بۇنداي جوبالار ەلدى مەكەندەردەن سۋ تارتۋعا جەلىنى وتكىزۋ ءۇشىن مەملەكەتتىك بيۋدجەت قارجىسىن ۇنەمدەۋگە جول اشادى. بۇل باعىتتا العاشقى جۇمىستار ىسكە اسىرىلعاندىقتان، الداعى ۋاقىتتا وسى تەكتەس جوبالار ارتا تۇسەدى دەگەن سەنىم بار. قۇدىقتى ورناتۋ كەزىندە فەرمەرلەر ءۇشىن نەگىزگى قيىندىقتار بۇرعىلاۋ جۇمىستارى كەزىندە تۋىندايدى ەكەن.
«وسى رەتتە نەگىزگى شىعىندار بولادى. الايدا فەرمەرلەر كووپەراتيۆكە جينالىپ، ۇلكەن قۇدىقتاردى جاساي الادى. بىزدە كۇن پانەلدەرىن «استانا سولار» وندىرەدى، جەل گەنەراتورى قوندىرعىسىن قىتايدان ساتىپ الادى. بۇگىندە بۇل جابدىقتار قولجەتىمدى»، - دەدى ول.
اۆتور: رۋسلان عابباسوۆ