ق ر پرەمەر- ءمينيسترى دانيار ەلەۋسىنوۆ پەن ەلميرا سىزدىقوۆانى قۇتتىقتادى

«قۇتتىقتايمىن!»، - دەپ جازدى ك. ءماسىموۆ ينستاگرامدا قازاقستان قورجىنىنا ءۇشىنشى التىندى سالعان دانيار ەلەۋسىنوۆتىڭ جەڭىسىنىڭ قۇرمەتىنە.
«ە. سىزدىقوۆانى ايەلدەر اراسىنداعى كۇرەستە جەڭىپ العان قولا مەدالىمەن قۇتتىقتايمىن #Rio2016! العا #KAZ! #wrestling»، - دەپ جازدى ك. ءماسىموۆ تۆيتتەردە.
***
ق ر مادەنيەت جانە سپورت ءمينيسترى ارىستانبەك مۇحامەدي ۇلى وتاندىق بوكس قۇراماسىنىڭ كاپيتانىن بارشا سپورت قاۋىمداستىعى اتىنان قۇتتىقتادى، دەپ حابارلادى ق ر م س م باسپا ءسوز قىزمەتى.
ءوز قۇتتىقتاۋ حاتىندا مينيستر دانيار ەلەۋسىنوۆتىڭ جەڭىسى ەلىمىزدىڭ ميلليونداعان ازاماتتارى ءۇشىن قۋانىشتى ءسات بولعاندىعىن اتاپ ءوتتى: «قۇرمەتتى دانيار مارات ۇلى! قازاق ەلىنىڭ ءتول سپورتىنا اينالعان بوكستان وليمپيادا چەمپيونى اتانۋىڭىزبەن شىن جۇرەكتەن قۇتتىقتايمىن!
بۇل جەڭىسىڭىز ءسىزدىڭ كۇشىڭىز بەن شەبەرلىگىڭىزگە سەنگەن ەلىمىزدىڭ ميلليونداعان ازاماتتارى ءۇشىن قۋانىشتى ءسات بولدى.
بۇكىل الەم حالقىنىڭ الدىندا اتى ايگىلى قارسىلاستارىڭىزدى تىزە بۇكتىرىپ، شىن مىقتىلىعىڭىزدى مويىنداتا ءبىلدىڭىز. ال، ءبىز ءسىز سياقتى باتىرلارىمىزدىڭ ارقاسىندا شىنايى ماقتانىش سەزىمىنە بولەندىك.
ءسىز سەكىلدى جۇرەكتى، بىلەكتى ازاماتتارىمىز باردا قازاقستاننىڭ ءانۇرانى بارشا ادامزاتتىڭ الدىندا ءالى تالاي رەت شىرقالىپ، تۋى كوككە كوتەرىلەتىنىنە نىق سەنىمدىمىن. قازاق حالقىنىڭ دارا ۇلدارى باستاعان كوماندا ءارقاشان تەك جەڭىس تۇعىرىنان كورىنەدى دەگەن ويدامىن»، - دەپ جازدى حاتىندا ارىستانبەك مۇحامەدي ۇلى.