الماتى اۋەجايىندا الەكساندر زايچيكوۆتى ەل قۇرمەتپەن قارسى الدى - فوتو

الماتى. قازاقپارات - الماتى اۋەجايىندا ساعات تۇنگى 1:30-دا «امستەردام- الماتى» رەيسىمەن كەلگەن وليمپيادا - 2016 ويىندارىنىڭ قولا جۇلدەگەرى الەكساندر زايچيكوۆ پەن ءتورتىنشى ورىنعا تابان تىرەگەن اۋىر اتلەت دەنيس ۋلانوۆتى جۇرتشىلىق سالتاناتپەن قارسى الدى.
None
None

سپورتشىلاردى  VIP- تەرمينالدا ولاردىڭ تۋىستارى، قىزىلوردا وبلىسىنان كەلگەن جەرلەستەرى، ب ا ق وكىلدەرى كۇتىپ الدى.

«مەن ءۇشىن جانكۇيەر بولعان بارلىعىڭىزعا العىس ايتامىن. بۇل - قازاقستاننىڭ جەڭىسى. مەنىڭ ەڭبەگىم - وسى مەدال. بۇدان كەيىن دە بولادى. العا، قازاقستان!»، - دەدى اۋىر اتلەت الەكساندر زايچيكوۆ.

ەل بولىپ قۋانىپ جاتقان تۇستا «قازاقپارات» ح ا ءا قىزىلوردا وبلىسىنداعى ءتىلشىسى جۇلدەگەردىڭ وتباسىندا بولىپ، ونىڭ اكەسىنەن «بالاڭىز قازاق ءتىلىن ءبىر قازاقتان كەم بىلمەيدى، وسىنىڭ سىرىن ايتىپ بەرسەڭىز؟»، دەپ ساۋال قويعان ەدى.

جۇلدەگەردىڭ اكەسى ۆيتالي اناتوليەۆيچ:

- قازاق ءتىلىن بالالارمەن ويناپ ءجۇرىپ ۇيرەنگەن بولار دەيتىنبىز. ال ونىڭ وسىنشا تازا سويلەيتىنىن ءبىز تەك كەيىننەن عانا بىلدىك. باپكەرى ارمان ونى قالامىزداعى ج. ءباھادۇر اتىنداعى سپورتتا دارىندى بالالارعا ارنالعان مەكتەپ- ينتەرناتتا وقۋىنا كەڭەس بەردى. ول جەردە بارلىق ءپان قازاق تىلىندە عانا جۇرەتىن ەدى. سوعان قينالاتىن شىعار دەدىك. ءبىر قىزىعى، ساشا ول جاقتا دا بارلىق پاندەردى قازاق بالالارىمەن بىردەي وقىپ، ويداعىداي ءبىتىرىپ شىقتى.

null null null null null null 

سوڭعى جاڭالىقتار