دانيار مەنىڭ عانا بالام ەمەس، حالىقتىڭ بالاسى - مارات ەلەۋسىنوۆ، دانياردىڭ اكەسى

«بۇگىن دانيار حالىقتىڭ ءۇمىتىن اقتادى. سول ءۇشىن قاتتى قۋانىپ جاتىرمىز. مەن عانا ەمەس، بۇكىل قازاق ەلى قۋانىپ جاتىر. دانيار مەنىڭ عانا بالام ەمەس، ول بۇكىل حالىقتىڭ بالاسى»، - دەپ اتاپ ءوتتى مارات ەلەۋسىنوۆ.
سونداي- اق، فينالداعى قارسىلاسى مەن جەكپە- جەك تۋرالى دا ءوز ويىمەن ءبولىستى.
«وزدەرىڭىز بىلەسىزدەر! دانيار جارتىلاي فينالدا ۇلكەن جاراقات الدى. قاباعى تۋرا كوزىنىڭ جانىنان تەرەڭ جىرتىلىپ كەتتى. جىرتىلعان جەرىن ءبىر ەمەس، ەكى رەت تىكتىردىك. فينالدا وتە قيىن بولادى- اۋ، دەپ قورىققانىمىزدا جاسىرىن ەمەس. سەبەبى، قارسىلاسى ونىڭ جارالانعان جەرىن كوزدەپ سوققى جاسايتىنى انىق ەدى. سوسىن، ءبىز دانيارعا قارسىلاسىن جاقسىلاپ زەرتتەپ، وزگەشە ايلا- ءتاسىل جاساۋدى تاپسىردىق. تەك اياقپەن جۇمىس ىستەپ، قارسىلاسىڭدى شەگىنە ءجۇرىپ سوققى جاسا، بىردەن ءوزىڭ العا ۇمتىلما دەگەن بولاتىنبىز. ول تاپسىرمانى ويداعىداي ورىندادى. وزىنە كوپ سوققى دارىتپادى. سونىڭ ناتيجەسىندە جەڭىسكە جەتتى»، - دەپ اتاپ ءوتتى دانياردىڭ اكەسى.
اۆتور: كۇنسۇلتان وتارباي
فوتو
www.sports.kz