ءبىزدىڭ اۋىر اتلەتتەردىڭ كىناسى بۇرىنعىشا دالەلسىز كۇيىندە - ق ر ا ا ف

 استانا. قازاقپارات - ءبىزدىڭ اۋىر اتلەتتەردىڭ دوپينگ قولداندى دەگەن كىناسى بۇرىنعىشا دالەلسىز كۇيدە قالۋدا، دەپ حابارلادى قازاقستان اۋىر اتلەتيكا فەدەراتسياسىنىڭ باسپا ءسوز قىزمەتى.
None
None

 بۇدان بۇرىن حابارلانعانداي، حالىقارالىق اۋىر اتلەتيكا فەدەراتسياسىنىڭ باسشىسى تاماش ايان ريو- دە- جانەيروداعى 2016-وليمپيادا اياقتالعاننان كەيىن رەسەي، قازاقستان، بەلارۋس اۋىر اتلەتيكا فەدەراتسيالارى ءبىر جىلعا جارىسقا قاتىسۋ قۇقىعىنان ايىرىلاتىنىن ءمالىم ەتكەن بولاتىن.

وسى ماسەلەگە وراي ق ر ا ا ف باس حاتشىسى ومار مۇستافين بىلاي دەپ مالىمدەدى:

 - بەيجىڭ مەن لوندونداعى دوپينگ سىنامالاردى قايتا تەكسەرۋ ناتيجەسى بويىنشا ءۇش نەمەسە ودان كوپ دالەلدەنگەن جاعداي بولعان ەلدەردى جارىسقا قاتىسۋ قۇقىعىنان ايىرۋ شەشىمى وسى جىلعى ماۋسىمدا وتكەن حالىقارالىق اۋىر اتلەتيكا فەدەراتسياسى اتقارۋشى كوميتەتىنىڭ وتىرىسى بارىسىندا قابىلداندى. الايدا بۇل شەشىم زاڭدى كۇشىنە ەنگەن جوق. زاڭدى تۇرعىدان قاراعاندا جاعداي بۇرىنعىشا قالۋدا. قايتا تەكسەرۋدىڭ جاڭا تولقىنى كۇتىلۋدە. وسى جاعدايعا ىلىككەن ەلدەر مەن سپورتشىلار سانى ارتۋدا. بۇل رەتتە بۇگىندە بۇدان بۇرىن سىنامالارى وڭ ناتيجە كورسەتتى دەگەن ءبىزدىڭ اتلەتتەرىمىزدىڭ كىناسى ءالى دالەلدەنگەن جوق، وسىعان وراي جارىستان ايىرۋ قۇقىعى ەشكىمگە قولدانىلمايدى. ءبىز جاعدايدى باقىلاۋدا ۇستاپ وتىرمىز. جۇرتشىلىققا ءار زاڭدى قادامدى ب ا ق ارقىلى جەتكىزىپ وتىرامىز.

سوڭعى جاڭالىقتار