ەرتەڭ الماتىدا «الاتاۋ ءداستۇرلى ونەر تەاترى» اشىلادى

استانا. قازاقپارات - 18-مامىر كۇينى الماتىدا «الاتاۋ ءداستۇرلى ونەر تەاترى» اشىلادى.
None
None

بۇل ءسۇيىنشى اقپاراتتى ءانشى نۇرجان جانپەيىسوۆ ءوزىنىڭ فەيسبۋكتەگى پاراقشاسىندا جاريالادى.

«ەرتەڭ 18.08 كۇنى ساعات 18.00 دە اشىلۋ سالتاناتى بولادى. ءداستۇرلى ونەر مايتالماندارىنىڭ ءان- كۇي، جىرلارىنان كونسەرت پەن ۇلتتىق مۋزىكا اسپاپتارىنىڭ كورمەسى بولادى. «الاتاۋ ءداستۇرلى ونەر تەاترى» ورنالاسقان جەرى ب. مومىش ۇلى مەن ت. رىسقۇلوۆ كوشەلەرىنىڭ قيلىسىندا. وسى ايتۋلى ۇلكەن يگىلىكتى ءىستى تىندىرىپ تارتۋ ەتكەن قالا باسشىسى باۋىرجان بايبەك مىرزاعا ايتار العىسىم شەكسىز. ەل ءۇشىن ەتكەن ىستەرىڭىزگە تابىس تىلەيمىز!!!! ال قۇتتى بولسىن اعايىن، ونەرىمىز ۇستەم بولىپ ءان- كۇيىمىز، جىرىمىز تاۋەلسىز ەل قازاعىمىزدىڭ اسپانىندا قالىقتاي بەرسىن! ۇلتتىق ونەردى، بابالار اماناتىن ارقالاعان ونەرپازدارعا شالقار شابىت تىلەيمىن!» دەپ ءانشى ءدۇيىم جۇرتتان ءسۇيىنشى سۇرادى.

سوڭعى جاڭالىقتار