بوكسشى ەۆگەني تيشەنكو پۋتيننىڭ كۇزەتشىسى بولىپ شىقتى

استانا. قازاقپارات - ريو وليمپياداسىندا التىن العان رەسەيلىك بوكسشى ەۆگەني تيشەنكو ر ف پرەزيدەنتى ۆلاديمير پۋتيننىڭ كۇزەتشىسى بولىپ شىقتى، دەپ جازدى «موسكوۆسكي كومسومولەس».
None
None

ول بيىل مامىر ايىندا فەدەرالدى كۇزەت قىزمەتىنە (ف ك ق) جۇمىسقا تۇرعان.

- ەۆگەني تيشەنكو راسىندا دا ءبىزدىڭ ادام، رەسەي ف ق ك سپورت كلۋبىنىڭ اتىنان شىقتى، - دەپ مالىمدەدى فەدەرالدى كۇزەت قىزمەتىنىڭ باسپا ءسوز جانە قوعاممەن بايلانىس ورتالىعى.

- ءبىراق ول بىزگە مىقتى دايىندىقپەن كەلدى، ونىڭ سپورتشى رەتىندە دامۋىمەن ءى ءى م اينالىستى. ول سانكت- پەتەربۋرگ پوليتسيا بولىمشەلەرىنىڭ بىرىندە جۇمىس ىستەگەن (قوسىمشا ج و و- دا ءبىلىم العان).

سودان كەيىن 25 جاسىندا اسكەر قاتارىنا شاقىرىلىپ، بىزگە كەلدى. ول ءوزىنىڭ قايدا بورىش وتەپ جۇرگەنىن تولىق سەزىنبەگەن سەكىلدى. سول ءۇشىن برازيلياداعى العاشقى سۇحباتىندا ءوزىن پوليتسەي دەپ تانىستىردى. وليمپيادادان كەيىن ول قايتادان اسكەر ساپىنا ياعني، فەدەرالدى كۇزەت قىزمەتىنە ورالادى. ال اسكەري قىزمەتى اياقتالعان سوڭ قايدا جۇمىسقا تۇراتىنىن ءوزى شەشەدى.

ف ك ق سپورتشىنىڭ ءومىربايانىن ايتىپ بەردى. بولاشاق وليمپيادا چەمپيونى بەسىنشى سىنىپتا بوكسپەن اينالىسا باستاعان، مەكتەپ ۇيىرمەسىنە قاتىسقان. ەڭ ۇلكەن جەتىستىگى - وڭتۇستىك فەدەرالدى وكرۋگىنىڭ بىرىنشىلىگىندەگى جۇلدەدى ورىن بولعان.

ازىرگە، وليمپيادانىڭ التىن مەدالى - ونىڭ العاشقى وليمپيادا جۇلدەسى. ءبىراق، بۇگىنگە دەيىن ەۆگەني 2015 -جىلى بوكس بويىنشا الەم جانە ەۋروپا چەمپيونى اتانعان. 2014 -جىلى - رەسەي چەمپيونى، 2013 -جىلى - الەم چەمپيوناتىنىڭ كۇمىس جۇلدەگەرى.

ايتا كەتەيىك، اقتىق سايىستا ەۆگەني تيشەنكو قازاقستاندىق ۆاسيلي ليەۆيتتى 3:0 ەسەبىمەن جەڭدى. تورەشىلەردىڭ بۇل شەشىمى قازاقستاندىق جانكۇيەرلەردىڭ نارازىلىعىن تۋدىردى.

  

سوڭعى جاڭالىقتار