16:11, 17 - تامىز 2016 | GMT +5
بىرنەشە مەشىتتە ازان ورنىنان ءان قويىلدى
استانا. قازاقپارات - پالەستينانىڭ بىرنەشە مەشىتىندە ءبىر ۋاقىتتا ازان ورنىنا بەلگىلى ەگيپەتتىك ءانشى ۋمم- كۋلتۋمنىڭ ورىنداۋىنداعى ءان قويىلعان.

الدىن الا حابار بويىنشا، ۋاقيعا شحەما قالاسى ماڭىنداعى مەشىتتەردە ورىن العان.
اتالمىش مەشىتتەردە داۋىس ۇلعايتقىش اپپاراتتارىنان ناماز ۋاقىتىن حابارلايتىن ءداستۇرلى ازاننىڭ ورنىنا ەسترادالىق ءان ويناعان. قالالىق جارىقتاندىرۋ جەلىسىنە قوسىلماعان حادج نميردەگى مەشىت عانا بۇل جاعدايدان امان قالدى. كەلەڭسىزدىك دەرەۋ توقتاتىلدى. قازىرگى ۋاقىتتا بۇل ارەكەتتەردىڭ تەحنيكالىق اقاۋ سەبەبىنەن نەمەسە قاساقانا ۇيىمداستىرىلعانى تەكسەرىلۋدە.
E-ISLAM