15:09, 17 - تامىز 2016 | GMT +5
الەمدىك كينو جۇلدىزى ستيۆەن سيگال دۇنيەجۇزىلىك كوشپەندىلەر ويىنىنا كەلەدى
استانا. قازاقپارات - امەريكالىق الەمدىك كينو اكتەرى، كينوپروديۋسەر، سەناريست، كينورەجيسسەر، مۋزىكانت جانە جاۋىنگەرلىك ونەر شەبەرى ستيۆەن فرەدەريك سيگال ەكىنشى دۇنيەجۇزىلىك كوشپەندىلەر ويىندارىنىڭ اشىلۋىنا كەلەدى، دەپ حابارلادى كيرتاگ د ك و حاتشىلىعىنا سىلتەمە جاساپ.

اكتەر قىرعىزستانعا پرەزيدەنت المازبەك اتامبايەۆتىڭ شاقىرتۋىمەن كەلەدى. «تاياۋدا ول ءوز حاتىندا العىسىن بىلدىرە وتىرىپ، كوشپەندىلەر ويىنىنىڭ اشىلۋىنا قاتىساتىندىعىن راستادى»، - دەلىنگەن حابارلامادا.
سونداي-اق س. سيگال ايكيدو فەدەراتسياسىنىڭ وكىلدەرىمەن كەزدەسىپ، دۇنيەجۇزىلىك ازيالىق كينو فەستيۆالىنە ارنالعان قايىرىمدىلىق كەشكى اسىنا قاتىسۋدى جوسپارلاۋدا.
ەسكە سالساق، ەكىنشى دۇنيەجۇزىلىك كوشپەندىلەر ويىندارى 2016 -جىلعى 3-8 -قىركۇيەك ارالىعىندا ىستىق كولدە وتەدى.