قازاقستان ب ۇ ۇ قاۋىپسىزدىك كەڭەسىندەگى جاۋاپكەرشىلىككە تىڭعىلىقتى دايىندالۋدا - ەرلان ىدىرىسوۆ

استانا. قازاقپارات - الداعى ۋاقىتتا قازاقستان تاۋەلسىزدىگىنىڭ 25 -جىلدىعى اياسىندا ءبىرقاتار ماڭىزدى وقيعالار وتكىزىلەدى. بۇل تۋرالى بۇگىن استانادا ق ر سىرتقى ىستەر ءمينيسترى ەرلان ىدىرىسوۆ ەلىمىزدەگى شەتەل ديلوماتيالىق كورپۋسى وكىلدەرىمەن بولعان كەزدەسۋدە ايتتى.
None
None

«جازعى دەمالىستان كەيىن كىرىسىپ وتىرعان قىزمەتتەرىڭىزدە ءبىزدىڭ كوپ جاقتى ءارى جەمىستى قاتىناستارىمىزدى دامىتا تۇسەسىزدەر دەپ سەنەمىز. ءبىز ءداستۇرىمىزدى ساقتاپ، سىزدەرمەن تۇراقتى تۇردە كەزدەسۋ وتكىزگىمىز كەلەدى. الداعى ۋاقىتتا ماڭىزدى وقيعالار كوپ بولادى دەگەن ۇمىتتەمىز. ەڭ باستى وقيعامىز قازاقستان تاۋەلسىزدىگىنىڭ 25 جىلدىعى، وسى رەتتە جىل بويى ەلىمىز ءۇشىن تاريحي ماڭىزى بار داتانى اتاپ وتۋگە ارنالعان»، - دەدى مينيسترلىك باسشىسى.

 وسى رەتتە ول بيىلعا جوسپارلانعان ەلەۋلى شارالارعا ەلىمىزدە تىركەلگەن شەتەل ديپلوماتتارى مىندەتتى تۇردە شاقىرىلاتىنىن اتاپ ءوتتى.

«2017-2018 -جىلدارى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ سايلانۋىنا وتە قۋانىشتىمىز. بۇل تۇرعىدا سىزدەردىڭ قولداۋلارىڭىزعا، ىنتىماقتاستىق جۇمىستارىڭىزعا ۇلكەن العىسىمىزدى ايتامىز»، - دەدى مينيستر ەلىمىزدەگى شەتەل ديپلوماتيالىق كورپۋسى وكىلدەرىنە قاراتىپ ايتقان سوزىندە.

ە. ىدىرىسوۆتىڭ سوزىنە قاراعاندا، قازاقستان ب ۇ ۇ قاۋىپسىزدىك كەڭەسىندە وزىنە جاۋاپكەرشىلىكتى الۋعا بايىپپەن دايىندالۋدى. وسى ورايدا مۇشەلىك بويىنشا كەشەندى جوسپار ازىرلەنىپ جاتىر.

 «ءبىز ب ۇ  ۇ قاۋىپسىزدىك كەڭەسىندەگى مۇشەلىگىمىزدى بەيبىتشىلىكتى نىعايتۋ اياسىنداعى باستامالاردى العا جىلجىتۋدا سەرىكتەستەرمەن تىعىز قارىم- قاتىناستا جۇمىس ىستەۋ ءۇشىن پايدالانامىز. پرەزيدەنت ن. نازاربايەۆ «الەم. 21 - عاسىر» مانيفەسى باعىتىندا ۇلكەن جۇمىس اتقاردى. بارلىق باستامالار الەم جۇرتشىلىعىنا ناقتى ءارى تۇسىنىكتى تۇردە جەتكىزىلدى»، - دەدى مينيستر.

سوڭعى جاڭالىقتار