جۇڭگو قازاق فوتوگرافتارىنىڭ كورمەسى - فوتو

استانا. قازاقپارات - ىلە قازاق اۆتونوميالى وبلىسىنىڭ كەزەكتى اقىندار ايتىسى التاي ايماعى بۋرىلتوعاي اۋدانىنىڭ ەكىوتكەل جايلاۋىندا ءسان- سالتاناتپەن ءوتتى. وبلىستىق اقىندار ايتىسى -  جۇڭگو قازاقتارى وتكىزەتىن شارالاردىڭ ەڭ ءىرىسى.

 وسى ساحارادا جۇڭگو تاريحىندا تۇڭعىش رەت فوتو كورمە ۇيىمداستىرىلدى. 2016 -جىلدىڭ 20 - شىلدەسىندە 3 جىلدا ءبىر كەلەتىن ىلە قازاق اۆتونوميالى وبلىسىنىڭ كەزەكتى اقىندار ايتىسى باستالاردان بۇرىن، قازاق فوتوگرافتارىنىڭ كەزەكتى شىعارماشىلىق فوتوكورمەسى سالتاناتتى تۇردە شىمىلدىعىن ءتۇردى.

ىلە قازاق اۆتونوميالى وبلىسىنىڭ باسشىسى قۇرماش مىرزا، التاي ايماعىنىڭ ءۋاليى تالعات مىرزا قاتارلى كىسىلەر كورمەنىڭ تۇساۋىن كەستى. قازاق فوتوگرافتارىنىڭ تۇڭعىش شىعارماشىلىق كورمەسى 2011 -جىلى التاي قالاسىندا وتكىزىلگەن ەدى. سودان باستاپ حانزۋلار قازاق فوتوگرافتارىنىڭ فوتو ونەرىنە قىزىعا باستادى. بۇل جولعى كورمەگە باسشىسى 41 فوتوگرافتىڭ 67 شىعارماسى قويىلدى. كورمەدەگى فوتوشىعارمالاردىڭ دەڭگەيى جوعارى، شىعارمالار كوركەمدىگى مەن سىرلىلىعى ارقىلى كورگەن كىسىگە ءۇنسىز سىر شەرتىپ، سۋرەتتەگى وقيعانى بايانداپ تۇرعانداي اسەر ەتتى.

 كورمەنىڭ ەكىنشى كۇنى التاي ايماعىنىڭ ەڭ جوعارى بيلىك ورگانى بولعان ايماقتىق پارتكومىنىڭ سەكرەتارى دىڭ جاڭۋ مىرزا، مەملەكەتتىك 15 ءىرى كاسىپورىن قوجايىندارىن باستاپ كەلىپ تاماشالادى. قازاق فوتوگرافتارىنىڭ شىعارمالارىن اسىقپاي تاماشالاپ، كورمەنى ۇيىمداستىرۋىمەن كەڭەستى. مۇنداي كولەمدى كورمەنى قازاق فوتوگرافتارى ءوز قاراجاتتارىمەن وتكىزگەنىن بىلگەن حاتشى سول جەردە وسى ءىس- شارا ءۇشىن بىر ءجۇز مىڭ يۋان (5 ميلليون تەڭگە) قاراجات بەرەتىندىگىن ايتتى.

 

اقىندار ايتىسى وتكىزىلگەن ەكىوتكەل جايلاۋى.

 

سەكرەتار دىڭ جاڭۋ مىرزا كاسىپورىن قوجايىندارىن باستاپ، كورمەنى تاماشالادى.

 

كورمەدە شىعارمالارى قويىلعان 10 قازاق فوتوگرافى اۋدان باسشىلارىنىڭ سىيىنا يە بولدى.

 

باس جۇلدە العان سۋرەت. اۆتورى ادىلبەك قۇرمانعالي ۇلى

 

ەكىنشى جۇلدە العان سۋرەت. اۆتورى ەكپىن قاسەنجان ۇلى

 

ءۇشىنشى جۇلدەلى سۋرەت. اۆتورى قايروللا كومەنتاي ۇلى.

 «جاس الاش» گازەتى