برازيليا پرەزيدەنتى ديلما رۋسسەففكە قارسى تەرگەۋ باستالدى

بۇل تۋرالى Globo تەلەارناسى حابارلادى.
وسى ءىس بويىنشا كۇدىكتى رەتىندە برازيليانىڭ بۇرىنعى پرەزيدەنتى لۋيس يناسيۋ لۋلا دا سيلۆا، ەلدىڭ بۇرىنعى ءبىلىم بەرۋ ءمينيسترى الويزيۋ مەركادانتي مەن ونىڭ اكىمشىلىگىندە باس مەملەكەتتىك قورعاۋشى لاۋازىمىن اتقارعان ادۆوكات رۋسسەفف جوزە ەدۋاردۋ كاردوزۋ دە وتۋدە.
Globo دەرەكتەرىنە سايكەس، تەرگەۋدىڭ باسى وتكەن جىلدىڭ اياعىندا سىبايلاس جەمقورلىق جاساعانى ءۇشىن ۇستالعان سەناتور دەلسيديۋ امارالدىڭ ايعاقتارىنا بايلانىستى. ول تەرگەۋمەن ىنتىماقتاسۋعا ۇكىمدى جۇمسارتۋ ماقساتىندا كەلىستى.
امارالدىڭ ايتۋىنشا، رۋسسەفف Petrobras كومپانياسىنداعى ۇرلىق تۋرالى تەرگەۋگە ءۇش رەت ارالاسۋعا تىرىستى. ول بۇرىنعى پرەزيدەنت لۋيس يناسيۋ لۋلا دا سيلۆا قىلمىستىق سحەمانىڭ باسقا قاتىسۋشىلارىنا قارسى ايعاق بەرۋدەن باس تارتقانى ءۇشىن مۇناي- گاز گيگانتىنىڭ بۇرىنعى توپ- مەنەدجەرى نەستور سەرۆەروعا اقشا ۇسىنعانىن ناقتىلادى.