ادىلبەك نيازىمبەتوۆ: اقتىق سىنعا شىعۋ ءۇشىن ايانىپ قالعان جوقپىن

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بۇگىن شارشى الاڭعا شىققان 81 كەلىدەگى ادىلبەك نيازىمبەتوۆ جەكپە- جەكتەن كەيىنگى اسەرىممەن ءبولىستى دەپ، حابارلايدى ريوداعى قازاقپارات ءتىلشىسى.
None
None

«اقتىق سىنعا شىعۋ ءۇشىن ايانىپ قالعان جوقپىن. وزدەرىڭىزدە كورىپ وتىردىڭىزدار. بۋاتسي - قولايسىز قارسىلاستارىمنىڭ ءبىرى. ءوزى دە مىقتى بوكسشى. سوندىقتان، باپكەرلەرىمنىڭ كەڭەسىنە قۇلاق ءتۇرىپ، ايتقاندارى بويىنشا جۇدىرىقتاستىم»، - دەپ اتاپ ءوتتى نيازىمبەتوۆ.

وسىدان ءبىراز ۋاقىت بۇرىن ادىلبەك نيازىمبەتوۆ ەۋروپا چەمپيوناتىنىڭ قولا جۇلدەگەرى، بريتانيالىق سپورتشى دجوشۋا بۋاتسيدى ۇتىپ، فينالعا ءوتتى.

بريتانيالىقتان ۇپاي سانىمەن باسىم تۇسكەن ماڭعىستاۋلىق سپورتشىمىز ەندى 3 دۇركىن الەم چەمپيونى، كۋبالىق حۋليو سەزار لا كرۋسمەن جۇدىرىقتاسادى.

فينالدىق كەزدەسۋ 19- تامىزدا تۇنگى ساعات 00:30-دا (استانا ۋاقىتى) وتەدى.

ەستەرىڭىزگە سالا كەتەيىك، ادىلبەك وسىدان ءتورت جىل بۇرىن لوندون وليمپياداسىندا دا فينالعا دەيىن سۇرىنبەي جەتكەن بولاتىن. مىنە، بۇگىن ەكىنشى رەت وليمپيادا ويىندارىنىڭ فينالىنا جولداما الدى.

اۆتور: كۇنسۇلتان وتارباي

سوڭعى جاڭالىقتار