لەۆيت - تيشەنكو جەكپە-جەگىن جۇرگىزگەن ورىس كوممەنتاتورىنىڭ باسى داۋعا قالدى

استانا. قازاقپارات - رەسەيدىڭ بەدەلدى تەلە جۇرگىزۋشىسى ءارى بوكس مامانى الەكساندر بەلەنكي 91 كەلىگە دەيىنگى سالماق دارەجەسىندەگى ەۆگەني تيشەنكو مەن قازاقستاندىق ۆاسيلي لەۆيت كەزدەسۋىن "روسسيا-1" تەلەارناسىنان جۇرگىزە وتىرىپ، تورەشىلەردىڭ جەڭىستى رەسەيلىك بوكسشىعا بۇرىپ بەرگەنىن قولداماعان، - دەپ حابارلايدى Vesti.kz.
None
None

«جەكپە-جەك ءجۇرىپ جاتىر، - دەيدى بەلەنكي كەزدەسۋدىڭ اياقتالۋىنا 10 سەكۋند قالعاندا. - وكىنىشكە قاراي، مەنىڭ ويىمشا، لەۆيت كوبىرەك ءدال سوققىلار جاساعان سەكىلدى. (...) مەن نە ايتا الامىن. وتە مىقتى كەزدەسۋ. مەن تورەشىلەردىڭ نە ايتاتىنىن قوبالجىپ كۇتىپ وتىرمىن. ولار نە ايتسا دا، مىندەتتى تۇردە، كوڭىلى تولماعاندار بولادى، ماعان سەنىڭىز. (...) ارينە مەنىڭ ءوز پىكىرىم بار، الايدا ول ەشتەڭە شەشپەيدى. بۇل جەردە تەك قۇدايعا جالبارىنۋ كەرەك».

الەكساندر بەلەنكيدىڭ Facebook پاراقشاسىندا ارتەم كلوپوۆ دەگەن قولدانۋشى پىكىر قالدىرعان: «وسى كەزدەسۋدەگى ەڭ جاعىمدى مەزەت - ول ءسىزدىڭ پىكىرىڭىز. اۋەسقوي بوكستا نە بولىپ جاتقانىن ءبىر قۇداي ءبىلسىن. لەۆيت 3 راۋندتىڭ 2,5 جەڭدى. بىزگە تورەشىلەر كادىمگىدەي كومەكتەستى، ءبىراق بۇل كوڭىلگە قۋانىش سىيلامايدى».

وسى پىكىرگە قاتىستى رەسەيلىك مامان جاۋاپ قايتاردى: راقمەت. مەنىڭ پىكىرىم وزىمە ەش قۋانىش الىپ كەلمەدى. مەنى ەرتەڭگى ترانسلياتسيادان الىپ تاستايتىن شىعار دەگەندى جوققا شىعارمايمىن. مەنىڭ ۇستىمنەن ارىزدار جازىلىپ قويدى».

ەسكە سالايىق، 91 كەلىگە دەيىنگى سالماق دارەجەسىندە قازاقستاندىق ۆاسيلي ليەۆيت كەشە، 15 تامىزدا 91 كەلىگە دەيىنگى فينالدىق كەزدەسۋدە رەسەيلىك بوكسشى ەۆگەنيي تيشەنكومەن كەزدەسكەن. تورەشىلەر تيشەنكوعا جەڭىس بەرگەن كەزدە زالدا جينالعان جانكۇيەرلەر ىسقىرىپ، تورەشىلەردىڭ شەشىمىنە ءوز نارازىلىقتارىن ءبىلدىردى. ليەۆيت ريو وليمپياداسىنىڭ كۇمىس مەدالىن جەڭىپ الدى.

 

سوڭعى جاڭالىقتار