18:13, 16 - تامىز 2016 | GMT +5
بريتان عالىمدارى ولىمنەن سوڭ ءومىر بار ەكەنىن عىلىمي تۇرعىدا دالەلدەدى
استانا. قازاقپارات - 2060 ادام قاتىسقان زەرتتەۋ جۇمىسى بارىسىندا ۇلى بريتانيانىڭ ساۋتگەمپتونسكي ۋنيۆەرسيتەتىنىڭ عالىمدارى ادام ولگەننەن كەيىن دە ويلاۋ قابىلەتىن جالعاستىرا الاتىنىن دالەلدەدى دەپ حابارلايدى muslim.kz.

زەرتتەۋگە قاتىسقان ادامداردىڭ بارلىعى اۋىر كلينيكالىق ءولىمدى باستان كەشىرگەن جاندار. دارىگەرلەر جۇرەك توقتاعاننان كەيىن 30 سەكۋندتان سوڭ مي قىزمەتى دە تولىقتاي توقتايتىنىن ايتادى. ياعني، ادامنىڭ ويلاۋ جۇيەسى دە ىستەن شىعادى دەگەن ءسوز.
الايدا زەرتتەۋگە قاتىسقان ادامدار باسىنان كەشكەن كلينيكالىق ءولىم ساتىنەن كەيىن دە اينالاسىنداعى جاعدايلاردى سەزىپ، بىلگەندەرىن ايتادى. ولار وسى كلينيكالىق ءولىم كەزىندە وتە قورقىنىشتى سەزىمدى باستان كەشىرگەندىكتەرىن دە جەتكىزدى.