ءبىز بولساق، لەۆيتكە چەمپيوندىق اتاقتىڭ سىرتىندا ۆەل باركەر كۋبوگىن بەرۋدى تالاپ ەتەر ەدىك - قىتاي جۋرناليسى

بۇل تۋرالى بۇگىن ۆاسيلي لەۆيتتىڭ جەكپە-جەگىنەن كەيىن قىتاي ءتىلشىسى ايتىپ ءوتتى، دەپ حابارلايدى ريوداعى قازاقپارات ءتىلشىسى.
«ءبىز بولساق، لەۆيتكە چەمپيوندىق اتاقتىڭ سىرتىندا ۆەل باركەر كۋبوگىن بەرۋدى تالاپ ەتەر ەدىك. ول بۇگىن وتە كەرەمەت بوكس كەشىن سىيلادى. ول جەڭىلگەن جوق. قارسىلاسى رەسەيلىك بوكسشىنى تازا ۇتتى. تەحنيكالىق جاعىنان دا وتە كەرەمەت ونەر كورسەتتى. جالپى لەۆيت قانا ەمەس، بارلىق قازاق بوكسشىلارى وتە كەرەمەت. مەن ءوز باسىم قازاق ەلىنىڭ بوكسشىلارىنا وتە رازىمىن»، - دەپ اتاپ ءوتتى ءوزىن حۋ ەن دەپ دەپ تانىستىرعان قىتايلىق ءتىلشى.
سونداي-اق، قازاق بوكسشىلارىنا دەگەن العىسىن ايتىپ ءوتتى ول.
«مەن سپورتشى ەمەسپىن. الايدا، سپورت ءتىلشىسىمىن. كوپ نارسەنى بىلەمىن. جالپى سپورتتى وتە جاقسى تۇسىنەم. سوندىقتان، لەۆيتتى تورەشىلەر تىزەدەن ۇرعانىن كوردىم. وعان وبال بولدى. التىن مەن كۇمىستىڭ سالماعى بولەك. سول ءۇشىن قازاق بوكسشىسىن ايايمىن. ەگەر لەۆيت ءبىزدىڭ بالا بولسا، مەن چەمپيوندىق اتاقتان بولەك ۆەل باركەر كۋبوگىن قوسا بەرۋدى ا ي ب ا- دان تالاپ ەتەر ەدىم. رينگكە بارىپ جاتىپ الار ەدىم. سىزدەردى تۇسىنبەدىم. لەۆيت تە كۇمىسىنە قاناعات تۇتىپ ءجۇر. نەگىزى، ولاي بولماۋى كەرەك ەدى»، - دەپ اتاپ ءوتتى قىتايلىق جۋرناليست.
اۆتور: كۇنسۇلتان وتارباي