بۇرىنعى «نەۆادا- سەمەي» قوزعالىسى «حالىقارالىق انتيادرولىق جاستار اليانسى» اتتى جاڭا بولىمشە قۇردى

استانا. قازاقپارات - «نەۆادا- سەمەي» حالىقارالىق انتيادرولىق قوزعالىسى «حالىقارالىق انتيادرولىق جاستار اليانسى» اتتى جاڭا بولىمشە قۇردى.
None
None

بۇل تۋرالى قوزعالىستىڭ عالىم- حاتشىسى ليۋدميلا پرۋس حابارلادى.

«نەۆادا- سەمەي» حالىقارالىق انتيادرولىق قوزعالىسى ولجاس سۇلەيمەنوۆتىڭ ەستافەتانى جاستارعا تابىستاۋ تۋرالى باستاماسىن ىسكە اسىرۋ ماقساتىندا، 2016 -جىلدىڭ 5 -تامىزىندا پاۆلوداردا قازاقستان، قىرعىزستان مەن رەسەي جاستارىنىڭ ايماقتىق فورۋمىندا جاستار اليانسى» اتتى جاڭا بولىمشە قۇردى. جاڭا تاريحي كەزەڭدەگى دامۋىندا قوزعالىستىڭ باسىم ماقساتى - سوعىس، زورلىق- زومبىلىق پەن قاۋىپ- قاتەرلەردەن ازات الەم قۇرۋ ءۇشىن كۇرەسۋگە قازاقستان مەن بۇكىل الەمنىڭ جاستارىن تارتۋ، سول ارقىلى ءبىزدىڭ ەلىمىزدىڭ بەدەلىن جوعارى دەڭگەيگە شىعارۋعا مۇمكىندىك بەرەدى»، - دەلىنگەن حابارلامادا.

ايتا كەتەيىك، اتالمىش فورۋم قازاقستان ءۇشىن اتاۋلى كۇننىڭ قارساڭىندا ۇيىمداستىرىلدى. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن 1991 -جىلدىڭ 29 -تامىزىندا سەمەي يادرولىق سىناق پوليگونى رەسمي تۇردە جابىلدى ، سودان كەيىن بۇل كۇن بۇۇ باس اسسامبلەياسىنىڭ شەشىمىمەن يادرولىق سىناقتارعا قارسى كۇرەس كۇنى دەپ اتالدى.

اتالمىش فورۋمدا قازاقستان رەسپۋبليكاسىنىڭ «چەرنوبىل» وداعى، «نۇر وتان» پارتياسىنىڭ «جاس وتان» جاستار قاناتىنىڭ قولداۋىمەن جينالعان جاستارعا بەيبىتشىلىك ەستافەتاسى تابىستالىپ، قوزعالىس ارداگەرلەرىنەن تىلەكتەر ايتىلدى.

اۆتور: جاسۇلان جولدىبايەۆ

 

سوڭعى جاڭالىقتار