14:38, 16 - تامىز 2016 | GMT +5
ەگدە جاستاعى قىتايلىق بار جيعان- تەرگەنىن يتىنە امانات ەتىپ قالدىردى
استانا. قازاقپارات - حاربين قالاسىنىڭ تۇرعىنى ۆان تسزيۋنۋ جەرگىلىكتى جانۋارلار ۇيىنە حابارلاسىپ، جيناعان اقشاسىن (80 مىڭ يۋان) جانۋارلار ۇيىنە بەرۋگە امانات جازىپ قالدىرعانىن ايتقان.

71 جاستاعى ەر ادام بۇل قاراجاتتى « ەرفۋ» ەسىمدى ءيتىنىڭ « زەينەتاقىسى» رەتىندە قولدانۋدى وتىنگەن، دەپ جازدى ria.ru.
باسىلىمنىڭ حابارلاۋىنشا، جانۋار ەگدە ادامنىڭ جالعىز سەرىگى: ونىڭ ۇلى التى جاسىندا كولىك اپاتىنان قازا تاپقان، ايەلى اۋىرىپ قايتىس بولعان. ۆان تسزيۋنۋ « ەرفۋ» ەسىمدى ءيتىن كۇشىك كەزىندە اسىراپ العان.
سونىمەن قاتار، باسىلىم ءيتتىڭ يەسىنە ادال ەكەنىن، ۇنەمى بىرگە جۇرەتىندەرىن جانە ونىڭ قاسىنا ەشكىمدى جولاتپايتىنىن جازۋدا.
جانۋارلار ءۇيى اكىمشىلىگى ءتورت اياقتىعا قاراۋعا كەلىسىم بەردى، ءبىراق زەينەتكەردىڭ اقشاسىن الۋدان باس تارتتى.