قازاقستاندىق بوكسشىنىڭ جەڭىلگەنى وليمپياداداعى داۋعا اينالدى

استانا. قازاقپارات - ريو وليمپياداسىندا بوكستان 91 كيلوگرامم سالماق دارەجەسى بويىنشا باسەكە فينالىندا تورەشىلەر شەشىمىمەن رەسەيلىك ەۆگەني تيشەنكو - التىن، قازاقستاندىق ۆاسيلي ليەۆيت كۇمىس جۇلدە الدى. الايدا بوكس ساراپشىلارى مەن جانكۇيەرلەر تورەشىلەر شەشىمىنە نارازى.
None
None

ليەۆيت رينگتە وتە بەلسەندى بولدى. ءۇش راۋند بويى شابۋىلداپ، قارسىلاسىنا ءبىراز سوققى دارىتتى. ال رەسەيلىك بوكسشى كەزدەسۋ بويى قورعانا ءجۇرىپ، قارسىلاسۋ تاكتيكاسىن وزگەرتپەدى. ءۇشىنشى راۋندتا ليەۆيتتەن اۋىر سوققى العان تيشەنكونىڭ قاباعى جارىلىپ، دارىگەر كومەگىنە جۇگىندى.

ءۇش راۋندتىڭ قورىتىندىسى بويىنشا يرلانديا، كولۋمبيا جانە الجيردەن كەلگەن تورەشىلەر جەڭىستى تيشەنكوعا بەردى. بوكس ءوتىپ جاتقان Rioсentro   كەشەنىنە جينالعان بارلىق جانكۇيەرلەر تورەشىلەردىڭ شەشىمىنە نارازى بولىپ، ۇزاق ۋاقىت گۋىلدەپ، ال رەفەري رەسەيلىك بوكسشىنىڭ قولىن كوتەرگەن ساتتە بۇكىل زالداعى كورەرمەن «قازاقستان» دەپ ايعايلاپ تۇرىپ الدى. ۆاسيلي ليەۆيتتىڭ ءوزى تاڭدانىسىن جاسىرا الماي، باسىن شايقادى.

ماراپاتتاۋ راسىمىندە دە ۆاسيلي ليەۆيت تۇعىرعا كوتەرىلگەن ساتتە جانكۇيەرلەر وعان ۇزاق قول سوعىپ، قوشەمەت كورسەتتى. بوكسشىنىڭ ءوزى تۇعىردا كوز جاسىن ءسۇرتىپ تۇردى. ال رەسەيلىك تيشەنكو التىن العاندا زالداعى كورەرمەندەردىڭ بارلىعى دەرلىك قارسى ەكەنىن ءبىلدىرىپ جاتتى. ءبىراق ليەۆيتتىڭ ءوزى قولىن كوتەرىپ، ولاردان تىنىشتىق ساقتاۋدى سۇرادى.

قازاقستان مەن رەسەيلىك تاراپتىڭ پىكىرى

فينالدىق كەزدەسۋدەن كەيىن سپورتشىلار جۋرناليستەرگە سۇحبات بەرەتىن ميكست- زونادا رەسەي مەن قازاقستان جۋرناليستەرى ءبىراز سوزگە كەلىپ، ەگەسىپ تە قالدى. قازاقستان تىلشىلەرى فينالدىڭ ءادىل بولماعانىنا نارازىلىق بىلدىرسە، رەسەي جۋرناليستەرى «تيشەنكو ساۋاتتى قورعانا ءجۇرىپ، سوققىنى از جاساسا دا ءدال تيگىزگەنىن» ايتىپ جاتتى. ال قازاقستان قۇراماسىنىڭ باس باپكەرى مىرزاعالي ايتجانوۆ «ءسوزىم جوق» دەپ قىسقا قايىردى.

 Финалдан кейін Қазақстан құрамасының бас бапкері Мырзағали Айтжанов Василий Левиттің қолын көтеріп тұр. Рио-де-Жанейро, 15 тамыз 2016 жыл.

فينالدان كەيىن قازاقستان قۇراماسىنىڭ باس باپكەرى مىرزاعالي ايتجانوۆ ۆاسيلي ليەۆيتتىڭ قولىن كوتەرىپ تۇر. ريو- دە- جانەيرو، 15 تامىز 2016 -جىل.

 

ۆاسيلي ليەۆيت مەدالىن العان سوڭ «جەڭدىم دەپ ويلادىم. ءبىراق جان- جاقتا وتىرعان تورەشىلەر باسقا جەكپە- جەكتى كورگەن سياقتى. باستىسى جاتتىقتىرۋشىلار قويعان بارلىق تاكتيكانى ورىندادىم. وليمپياداعا كەلگەن بارلىق سپورتشى چەمپيون بولۋعا كەلەدى. ءبىراق بۇل جولى ءبىر ساتى تومەن تۇرامىن» دەدى.

ال رەسەي بوكسشىسى تيشەنكو «كەزدەسۋدىڭ قورىتىندىسى تۋرالى ايتۋ قيىن. ەگەر مەن ادىلەتسىز تۇردە جەڭىسكە جەتسەم، قارسىلاسىمنان كەشىرىم سۇرايمىن. مەن جەڭىسكە جەتتىم بە، الدە ۇتىلدىم با - تولىق تۇسىنبەدىم. سەكۋندانتتارىم دا بىلمەگەن بولار. كەزدەسۋدىڭ ناتيجەسىن كۇتىپ تۇردىم. جەڭىس ماعان بەرىلگەنىنە وتە قۋانىشتىمىن» دەپ جاۋاپ بەردى.

Марапаттау кезінде Ресей боксшысы Евгений Тищенко Қазақстан боксшысы Василий Левиттің қолын алып тұр. Рио-де-Жанейро, 15 тамыз 2016 жыл.
ماراپاتتاۋ كەزىندە رەسەي بوكسشىسى ەۆگەني تيشەنكو قازاقستان بوكسشىسى ۆاسيليي ليەۆيتتىڭ قولىن الىپ تۇر. ريو- دە- جانەيرو، 15 تامىز 2016 -جىل.

 رەسەي بوكس قۇراماسىنىڭ باپكەرى الەكساندر لەبزياك «تيشەنكو ەكى راۋندتا جەڭىسكە جەتتى. العاشقى ەكى راۋندتا ليەۆيتكە باپكەرلەرى جەڭىلىپ جاتىرسىڭ دەپ ەسكەرتسە كەرەك. ول ءۇشىنشى راۋندتا كوپ سوققى جاساي باستادى. تورەشىلەرگە ءبىز اسەر ەتە المايمىز. ءبىراق تيشەنكو تازا جەڭدى» دەدى.

 فينال شەشىمى شىققاننان كەيىن Twitter الەۋمەتتىك جەلىسىندە بوكس ساراپشىلارى مەن جانكۇيەرلەر ليەۆيتتىڭ جەڭىسكە جەتكەنىن، تورەشىلەردىڭ شەشىمىنە نارازىلىعىن ءبىلدىرىپ جاتتى. ءسويتىپ قازاقستاندىق بوكسشىنى قولداۋ ءۇشىن #Levit حەشتەگى اشىلدى.

بوكس پروموۋتەرى لۋ ديبەللا Twitter پاراقشاسىندا «مەنىڭ ويىمشا، AIBA - مافيا. بۇل - تاريح ءۇشىن دە، وليمپيادا ۇشىندە ماسقارا» دەپ جازدى.

«ازاتتىق راديوسى»

سوڭعى جاڭالىقتار