اپتاپ ىستىقتان قوستاناي استىعى مەرزىمىنەن ەرتە ءپىستى

قوستاناي وبلىسى اكىمىنىڭ ءبىرىنشى ورىنباسارى عاۋەز نۇرمۇحامبەتوۆتىڭ ايتۋىنشا، «بىرنەشە اۋداننىڭ شارۋالارى كومباينمەن العاش سەبىلگەن استىقتى جيناۋعا كىرىسىپ كەتكەن».
ەگىن دالاسىنداعى احۋال وڭاي ەمەس: كۇندىز اۋا تەمپەراتۋراسى 30-35 گرادۋستان اسىپ كەتەدى، بۇل كوپجىلدىق كورسەتكىشتەن 5 گرادۋسقا جوعارى. توپىراقتاعى تەمپەراتۋرا 65-70 گرادۋسقا دەيىن بارادى.
ع. نۇرمۇحامبەتوۆ شارۋالار ءوز جۇمىسىن جەمىستى اتقارسا جانە ءساتى تۇسسە 5 ميلليون تونناعا جۋىق ءونىم تۇسەدى دەپ بولجاپ وتىر.
قوستاناي وبلىسىنىڭ اۋىل شارۋاشىلىق وندىرۋشىلەرى جەڭىلدىكپەن بەرىلگەن ديزەل جانارماينى بەلسەندى تۇردە قولدانىپ جاتىر. ولارعا جالپى كولەمى 75 مىڭ توننا جانارماي بەرىلگەن. ەليەۆاتور جۇمىسىمەن قامتاماسىز ەتۋ ءۇشىن وبلىستىق اكىمدىك قوسىمشا جانارماي ءبولۋدى سۇراپ، اۋىل شارۋاشىلىعى مينيسترلىگىنە ءوتىنىش جازدى.