گيننەستىڭ رەكوردتار كىتابىنا ەنگەن الەمدەگى ەڭ تىنىش بولمە

The Business Insider حالىقارالىق باسىلىمىنىڭ جۋرناليسى مەتت ۆاينبەرگەر وسى بولمەگە كىرىپ، ءولى تىنىشتىقتا ادامنىڭ قانداي كۇي كەشەتىنىن ءوز باسىنان وتكىزىپتى.
- بولمە كومپانيا عيماراتتارىنىڭ بىرىندە ورنالاسقان ەكەن. ەسىك جابىلعاننان كەيىن ناعىز ءولى تىنىشتىق ورنادى. ەشقانداي دىبىس ەستىلمەيدى، ءتىپتى، ءوز داۋىسىڭدى دا ەستىمەيسىڭ. سەبەبى، بولمەنىڭ قابىرعالارى كەز كەلگەن دىبىستى جۇتىپ قوياتىنداي ەتىپ جاسالعان. بىرنەشە مينۋتتان كەيىن مەن ەسىم اۋىسا باستاعانداي كۇي كەشتىم. تەپە- تەڭدىگىمنەن ايىرىلىپ، قۇلاپ قالۋعا شاق قالدىم، - دەيدى جۋرناليست.
Microsoft الەمدەگى ەڭ تىنىش بولمەنى ءتۇرلى زەرتتەۋ جۇمىستارى ءۇشىن، سونداي- اق، وزدەرى شىعاراتىن پلانشەت، نوۋتبۋكتەردىڭ اكۋستيكالىق جۇيەسىن جاقسارتۋ ماقساتىندا جاساعان. Skype ارقىلى سويلەسكەندە قورشاعان ورتانىڭ شۋىن ازايتىپ، داۋىس ساپاسىن ارتتىرۋعا دا وسى بولمەنى پايدالانىپتى. بولمە ەسىگى جابىلعاننان كەيىن ىشتە ەستىلەتىن ەڭ قاتتى دەگەن دىبىستىڭ ءوزى ەكى مولەكۋلانىڭ ءبىر- بىرىمەن سوعىلعاندا شىعاراتىن دىبىسىنان اسپايتىن كورىنەدى.
نۇرحان اسقار
«ەگەمەن قازاقستان»