ەركە ەسماحاننىڭ عاشىعى توسەگىن گۇلمەن كومكەردى - فوتو

«كەشyou» توبىنىڭ بۇرىنعى ءسوليستى ەركە ەسماحان الەۋمەتتىك جەلىدەگى سۋرەتتەرى ارقىلى ءوزىنىڭ جەكە ومىرىندەگى ءتۇرلى جاڭالىقتارىن ءبولىسىپ وتىراتىن انشىلەر قاتارىنان. بۇل جولى دا ءانشى ادەپكى ادەتىنەن تالماي، كەزەكتى سۋرەتىن جاريالادى.
سۋرەتتەگى ادەمى گۇل دەستەلەرىمەن بەزەندىرىلگەن اق توسەكتى كورگەن قولدانۋشىلارى ءتۇرلى بولجامدار ايتىپ، ونىڭ ومىرىندەگى بەلگىسىز جان تۋرالى باس قاتىردى.
قازاقستاننىڭ قاي تۇكپىرىندە جۇرسە دە، ادەمى گۇل شوقتارىن تارتۋ ەتەتىن بەلگىسىز جان تۋرالى ەركە بۇعان دەيىن دە ايتقان بولاتىن. قىزىلورداعا بارسا دا، قوستانايعا بارسا دا ءانشىنى گۇلسىز قالدىرمايتىن جانعا ءانشىنىڭ ءوزى دە ريزا ەكەنىن جاسىرماعان.
«قوستانايدىڭ تۇندەرى تىنىق ەكەن. سەرۋەندەپ كەلدىم. جاتار الدىنداعى سەرۋەن جاقسى ۇيقىنىڭ كەپىلى. ال مىنا گۇل شوعى مەنى ءار قالادان ءوزى بولماسا دا، جىپ- جىلى سالەمى توسىپ تۇراتىن الىستاعى جاننان. ءيىسىن سەزىپ تۇرسىزدار ما؟ ! كۇشتى!»، - دەپ ماقتاندى ءانشى.
ارادا ءبىراز ۋاقىت سالىپ ءانشى جەلىگە سول گۇلدەردىڭ دەستەلەرىمەن جۇرەك بەينەسىندە بەزەندىرىلگەن اق توسەكتىڭ سۋرەتىن جاريالادى.
جەلى قولدانۋشىلارىنىڭ كەيبىرى ءانشىنىڭ بۇل قىلىعىن ادەپسىزدىككە بالاسا، كەيبىرى ونىڭ عاشىعى كىم ەكەنىن بىلۋگە اسىق ەكەندىكتەرىن ايتتى.
ەندى ءبىرى، ەركە تىڭدارماندارىنىڭ قىزىعۋشىلىعىن وياتۋ ءۇشىن ادەيى جاساپ ءجۇر دەگەن بولجامدى دا ايتىپ قالدى.