كىشكەنتاي اۋىلدان شىققان قازاق رەپەرى ماسكەۋدى باعىندىردى

 استانا. قازاقپارات - قازاقستاندىق رەپەر ءادىل جالەلوۆ «نوۆىي رەپ» ءىرى حيپ- حوپ قاۋىمداستىعىنىڭ نۇسقاسى بويىنشا «جىل جاڭالىعى» دەپ تانىلىپ، ماسكەۋدى باعىندىردى، دەپ حابارلايدى NUR. KZ.
None
None

قازىر ماسكەۋدە تۇرىپ جاتقان رەپەردىڭ ساحناداعى ەسىمى - سكريپتونيت. ول ءوزىنىڭ «ۆىبور بەز ۆاريانتوۆ» بەينەبايانىنىڭ رەجيسسەرى ءوزى بولعان. بەينەبايان رەپەردىڭ تۋعان جەرى پاۆلودار ماڭىنداعى لەنينسكيي اۋىلىندا، كەزىندە ءوزىنىڭ اناسى جۇمىس ىستەگەن بەنزين كولونكاسىنىڭ جانىندا تۇسىرىلگەن.

ول كىشكەنتايىنان رەپ وقىعاندى ۇناتاتىن، ءبىراق ونىڭ اتا- اناسى ونىڭ بۇل سالانى تاڭداۋىنا قارسى بولعان. ءبىراق، ءادىل ەشتەڭەگە قاراماستان جانى قالاعان سالادا ءوزىن جەتىلدىرۋدى توقتاتپايدى.

رەپەر ساحناعا العاش رەت 16 جاسىندا شىعادى. ول قالالىق فەستيۆالعا قاتىسىپ، « ءومىر ءۇشىن» ءان ورىنداپ، جۇرتتى تاڭ قالدىرعان بولاتىن. وسىدان كەيىن- اق، ونىڭ تاسى ورگە دومالاپ، رەپەردىڭ شىعارماشىلىعىنا ەكى رەسەيلىك پروداكشن- ستۋديا نازار اۋدارادى. بۇدان سوڭ جالەلوۆ رەسەي رەپ ورىنداۋشىسى باستانىڭ Gazgolder پروديۋسەرلىك ستۋدياسىمەن كەلىسىم- شارتقا وتىرادى.

بۇگىنگى كۇنى 26 جاستاعى سكريپتونيت ماسكەۋدە تۇرىپ جاتىر. 2015 -جىلى ول «دوم س نورمالنىمي ياۆلەنيامي» دەپ اتالاتىن دەبيۋتتىك البومىن شىعارادى. وسىدان كەيىن- اق، ونى الەمدىك مۋزىكا يندۋسترياسىنداعى باستى قۇبىلىس دەپ مويىنداپ، ءان جيناعى iTunes البومدىق چارتىندا بريتاندىق ءانشى ادەلدەن كەيىنگى ەكىنشى ورىنعا كەپ تۇراقتايدى.

سكريپتونيتتىڭ ءوزى ماسكەۋدە ءجۇرىپ، تۋعان جەرى پاۆلوداردى ساعىناتىنىن ايتادى. ونىڭ بارلىق تۋىندىسىنان وسى ساعىنىشتى اڭعارۋعا بولادى. اتاپ ايتۋ كەرەك، ءادىل ءوزىن «قازاق رەپەرىمىن» دەپ اتايدى. ونىڭ ارنايى مۋزىكالىق ءبىلىمى بولماعانىمەن، ونىڭ شىعارمالارىنان تۇكپىردەگى بولاشاعى جوق اۋىلدار مەن جاقسى ءومىردى اڭساعان ادامداردىڭ بەي- بەرەكەت تاعدىرىن كورۋگە بولادى. 

سوڭعى جاڭالىقتار