الماتى وبلىسىندا ماس جۇرگىزۋشىنىڭ ىزىنە تۇسكەن پوليتسيا قارۋ قولداندى

الماتى وبلىسى ءى ءى د باسپا ءسوز قىزمەتىندە حابارلاعانداي، وقيعا «الماتى- كوكپەك- كوكتال» جولىندا جول پوليتسياسى باتالونىنىڭ ستارشيناسى مەن سەرجانتى قۇرامىندا پاترۋلدىق ەكيپاجىنىڭ قىزمەت اتقارۋ كەزىندە ورىن الدى.
«رەنو لوگان» كولىگىنىڭ جۇرگىزۋشىسى ءتارتىپ ساقشىسىنىڭ توقتاتۋىن ەلەمەي، جىلدامدىقتى اسىرىپ، قوزعالىستى جالعاستىرعان.
«پوليتسەيلەر دەرەۋ ارتىنان قۋىپ، توقتاتۋ تالابىن ەسكەرمەگەن سوڭ، ونىڭ كولىگىنىڭ ءۇش دوڭگەلەگىنە وق اتىپ توقتاتۋعا تۋرا كەلدى. زاڭ بۇزۋشىنى وسى تاسىلمەن عانا ۇستاۋ مۇمكىن بولدى»، - دەپ مالىمدەدى ءى ءى د.
ول 33 جاستاعى الماتى تۇرعىنى بولىپ شىقتى. رۋلگە ماس كۇيىندە وتىرعان. زاڭ بۇزۋشىعا قاتىستى ق ر ا ق ت ك ءتورت بابى بويىنشا اكىمشىلىك حاتتاما جاسالدى.
«كولىك ارنايى اۆتوتۇراققا قويىلدى. بيلىك وكىلىنە باعىنباۋ بابى بويىنشا دا قىلمىستىق ءوندىرىس قوزعالدى»، - دەپ ناقتىلادى ءى ءى د.